Altiplano
_(cropped).png)
L’Altiplano es una region d'America dau Sud localizaa dins la region centrala dels Andes, entre lo sud-est de Peró e lo nòrd d'Argentina, qu'èra restaa per 2,8 milions d'abitants en 2020. Aguèc un ròtle important dins l'istòria sud-americana qoe foguèc lo fogau de plusors civilizacions precolombianas importantas coma Tiwanaku.
La region es formaa d'un planasteu, situat a una altituda mejana de 3 800 m, ensarrat entre las Cordilheras Occidentala e Orientala, doas chadenas de montanhas de mai de 5 000-6 000 m. La zòna forma un bacin endoreïc alimentat per de precipitacions annadieras que varian entre 200 e 800 mm. Lo clima i es donc fresc e las regions mai umidas son favorablas a l'irrigacion e a l'elevatge (lamas, vigonhas, etc.), en particular la region a l'entorn dau lac Titicaca. En revenja, los endrechs mai arides son sovent desertics e las depressions pòion concentrar las saus e venir de deserts de sau. Geologicament, la region se caracteriza per la preséncia de ressorças minieras fòrça interessantas (aur, argent, zinc, liti, etc.).