Alphonse de Lamartine

Alphonse de Lamartine
Foncions
Deputat francés
8 de julhet de 1849 – 2 de decembre de 1851
Biografia
Nom de naissença	Alphonse Marie Louis de Prat de Lamartine
Data de naissença	21 octobre 1790
Luòc de naissença	Mâcon (Reialme de França)
Luòc de decès	París
Sepultura	Saint-Point (França)
Nacionalitat	francesa
Partit politic	Partit social
Paire	Pierre de Lamartine
Maire	Alix de Lamartine
Conjunt	Elisa de Lamartine

Alphonse de Lamartine, del nom complèt Alphonse Marie Louis de Prat de Lamartine, nascut lo 21 d'octobre de 1790 a Mâcon e defuntat lo 28 de febrièr de 1869 a París, foguèt un poèta, romancièr, dramaturg, istorian e òme politic francés. Es una de las grandas figuras del romantisme francés. Participèt tanben a la revolucion de 1848 e proclamèt la Segonda Republica.

Se passèt l'enfància en Borgonha del sud, especialament a Milly, que noiriguèt son inspiracion poetica, e estudièt al collègi a Lion puèi a Belley abans de tornar dins lo Maconés ont menèt una vida desobrada de jove seductor. Viagèt en Itàlia e ocupèt una éfemèra foncion militara alprèp de Loís XVIII. En octobre de 1816, en cura a Aix-les-Bains, encontrèt una jova femna maridada, Julie Charles, encontre decisiu dins la vida del poèta mas l'istòria d'amor apassionnada virèt a la tragedia quora Julie, demorada a Paris, moriguèt en decembre de 1817. Alphonse de Lamartine escriguèt puèi los poèmas des Meditacions que lo recuelh foguèt publicat en 1820 e obtenguèt un succès fulgurant. Esposèt la meteissa annada Mary Ann Elisa Birch, una jova Anglaise, e ocupèt de foncions de secretari d'ambassada en Itàlia abans de demissionar en 1830. Publiquèt durant aqueste periòde d'autras òbras poeticas coma, en 1823, las Novèlas Meditacions poeticas e La Mòrt de Socrata, o encara, en junh de 1830, las Armonias poeticas e religiosas après d'èsser estat elegit a l’Acadèmia francesa en 1829.