Alcea rosea

Alcea rosea

Mauvís

Classificacion
Règne	Plantae
Sosrègne	Tracheobionta
Division	Magnoliophyta
Classa	Magnoliopsida
Sosclassa	Dilleniidae
Òrdre	Malvales
Familha	Malvaceae
Genre	Alcea

Nom binominal

Alcea rosea
L., 1753

Classificacion filogenetica

Classificacion filogenetica
Òrdre	Malvales
Familha	Malvaceae

Lo mauvís (Alcea rosea L.) es una planta vivaça de la familha de las Malvacèas.

Descripcion[modificar | Modificar lo còdi]

Mauvisses dins una vanèla a Sant Martin de Ré, Illa de Ré, França

Es una planta tipica dels jardins del campèstres, quitament se pauc d'espècias son vivaças (la màger part es bisannadièra).

pòrt : eregit
fulhatge : caduc
florison : de la fin de la prima a l'estiu
aspècte e color de las flors : en pompons gròsses o en coròllas simplas amb de tenchas fòrça variadas : blanc o jaune, ròse, porpre, violet, irange… ricas en nuanças. N'existisson quitament de negres.
creissença : rapida
nautor : 1,5 a 2,5 m

Cultura[modificar | Modificar lo còdi]

Plantacion : davalada se clima caud o prima
Multiplicacion : semenadís en estiu (se torna semenar sovent espontanèament). Los semenadisses son sensibles als limauques e als cagaròls. Atencion, los grans semenats balha pas forçadament de flors de la meteissa color que la planta d'origina.
Sòl : ric e plan probegat. Afecciona de sòls diferents segon las colors de las flors: las varietats escuras (roge, negre) aiman mai los sòls sabloses, mentre que las mai claras semblan preferir los sòls argiloses.
Emplaçament : solelh, mièja-ombra, pas tròp ventat.
Malautiás : lo mauvís patís fòrça sovent del rovilh.

Proprietat medicinala[modificar | Modificar lo còdi]

Lo mauvís presenta de vertuts medicinalas similaras a la malvisc oficinal, çaquelà, sos efièches son probablament mens eficaces. La planta dispausa d'una accion adocissenta, emollienta e antiglarosa.