Alano espanhòl

Alano espanyol

L'alano espanhòl es una raça de gos de tipe molòs, autoctòn d'Espanha. Sa foncion tradicionala èra lo manejament del bestial bovin elevat en regim extensiu o la caça al gròs (cèrvi o singlars). Son utilizacion modèrna es la garda e la defensa.

Caracteristicas

L'alano espanhòl es un gos fòrça grand de tipe molòs, amb un cap grand e fòrt. Los mascles deuràn pas mesurar mens de 58 centimètres, e deuràn pesar 34-40 quilogrames, las femes son un pauc pus pichonas. Lo pelatge es cort e espés, e sovent tigrat, vermelh, negre e tigrat o gris lop. Lo morre es cort, amb la maissa inferiora leugièrament concava, e ten un nas larg fòrça grand de color negre. Las aurelhas son d'insercion nauta e pòdon caire. La pel es fòrça espessa, amb de plecs al còl, d'unes a la cara.