Adolphe Godin de Lépinay
Adolphe Godin de Lépinay (10 d'octòbre de 1821, Lissac-sur-Couze - 13 de genier de 1898, París) es un engenhaire francés dau segle XIX. Durant sa carriera, estudièt los traçats de plusors linhas de chamin de ferre e de plusors canaus en França, en Argeria, en Grècia e en Mexic. S'interessèt pereu au traçat dau canau de Panamà e assajèt sensa succès de s'opausar als plans tròp simples de Ferdinand de Lesseps. En particular, jutjèt impossibla la construccion d'un canau similar au canau de Suèz e critiquèt fòrça la manca de preparacion per luchar contra las malautias tropicalas. Pasmens, foguèt pas escotat e los problemas tecnics e las malautias entraïnèron la falhida de la Companhiá Universala dau Canau de Panamà en 1888. Sos plans foguèron finalament adoptats 20 ans mai tard per los Estatsunidencs qu'organizèron un sistema sanitari capable de protegir los trabalhaires e que construguèron de resclausas per simplificar la construccion. Achabèron lo canau en 1914.
Ligams internes
[modificar | modificar lo còdi]Bibliografia
[modificar | modificar lo còdi]- (fr) Victor Forot, « L'Ingénieur Godin de Lépinay », Bulletin de la Société scientifique historique et archéologique de la Corrèze, t. 32, 1910, pp. 167-216.
- (fr) Bernard Meunier, L'homme oublié du canal de Panama, Adolphe Godin de Lépinay, París, CNRS Éditions, 2018.
Nòtas e referéncias
[modificar | modificar lo còdi]