7,65 × 17 mm Browning
Lo 7,65 × 17 mm Browning ò .32 ACP es una municion desvolopada per John Browning (1855-1926) a la fin deis ans 1890. Tira una bala de 7,65 mm de diamètre que tèn una energia cinetica compresa entre 170 e 240 J a la sortida dau canon. A una bòna capacitat de perforacion, mai son poder vulnerant es feble. Pasmens, èra pus poderosa que lei calibres comparables dau periòde coma lo 6,35 mm. Per aquelei rasons, foguèt fòrça utilizada ais Estats Units e en Euròpa per la defensa personala dei particulars e dei policiers avans la Segonda Guèrra Mondiala. Divèrseis armadas adoptèron tanben de pistolets tirant aquela municion coma arma segondària. L'usatge d'aquela municion declinèt a partir deis ans 1960-1970 amb l'adopcion de municions pus poderosas per lei fòrças de polícia occidentalas.