Òme de Vitruvi

Un article de Wikipèdia, l'enciclopèdia liura.
L'Òme de Vitruvi de Leonardo da Vinci; vers 1492; 34,4cm X 25,5cm; Galeria dell'Accademia de Venèsia.

L’« Òme de Vitruvi » es lo nom comunament donat al dessenh de pluma, tinta e lavat sus papièr, nomenat Estudi de proporcions del còs uman segon Vitruvi e realizat per Leonardo da Vinci vèrs 1492.

Aquel dessenh apartenguèt a la colleccion d’òbras d’art grafic de Giuseppe Bossi abans d’èsser comprat en 1822 par las Gallerie dell’Accademia de Venècia.

Una traduccion del tèxte de la pagina de Leonardo da Vinci[modificar | Modificar lo còdi]

«[…] que la Natura distrièt las mesuras del còs uman cossí.
Quatre dets fan una palma, e quatre palmas fan un pè, sièis palmas fan una coidada: quatre coidadas fan lo naut d’un òme. E quatre coidadas fan un doble pas, e vint-e-quatre palmas fan un òme; e utilizèt aquelas mesuras dins sas construccions.
Se dobrissètz las cambas de biais a baissar vòste naut d’un quatorzen, e se estiratz vòstres braces de biais que lo bot de vòstres dets siá al nivèl del suc de vòtre cap, devètz saber que lo centre de vòstres membres estirats será al monilh, e que l’espaci entre vòstras cambas serà un triangle equilateral.
La longor dels braces estirats d’un òme es egala a son naut.
Dempuèi la racina dels cabels fins al bas del menton, i a un desen del naut d’un òme. Dempuèi lo bas del menton fins al suc del cap, un ueiten. Dempuèi lo naut de la peitrina fins al suc del cap, un sieisen; dempuèi lo naut de la peitrina fins a la racina dels cabels, un seten.
Depuèi los tetons fins al suc de la tèsta, un quatren del naut de l’òme. La mai granda largor de las espatlas es contenguda dins lo quatren d’un òme. Dempuèi lo coide fins al bot de la man, un cinquen. Dempuèi lo coide fins l’angle de l’abans braç, un ueiten.
La man complèta es un desen de l’òme. Lo començament de las partidas genitalas es al mitan. Lo pè es un seten de l’òme. Dempuèi la sòla fins al dejós del genolh, un quatren de l’òme. Dempuèi jol genolh fins al començament de las partidas genitalas, un quatren de l’òme.
La distància del bas del menton al nas, e de las racinas dels cabels a las subrecilhas es la meteissa, atal que l’aurelha: un tresen de la cara.»
Vitruvi, in De l’arquitectura.

Utilization coma lògo[modificar | Modificar lo còdi]

Articles connèxes[modificar | Modificar lo còdi]

Ligam extèrne[modificar | Modificar lo còdi]