Zucchero

Un article de Wikipèdia, l'enciclopèdia liura.
Anar a : navigacion, Recercar
Zucchero

Zucchero es l'escais de scèna d'Adelmo Fornaciari (nascut lo 25 de setembre de 1955), es un dels cantautors italian mai coneguts internacionalament. Es subretot un cantaire de rock.

Zucchero[modificar | modificar la font]

Adelmo Fornaciari nasquèt a Roncocesi, una frazione de Reggio Emilia (Emilia-Romagna). Son pseudonim "Zucchero", que significa sucre, es estat son escais dempuèi qu'èra fòrça jovenet, e li foguèt balhat per un regent que diguèt d'el qu'èra doç coma sucre, en lo sonar "marmellata e zucchero" – confitura e sucre.

Debuta de carrièra e capitada en Itàlia[modificar | modificar la font]

Sa carrièra musicala s'entamenèt en 1970, amb maites grops pas gaire famoses coma I ducali, Le nuove luci, Sugar & Daniel, Sugar & Candies e finalament amb un grop que se sonava Taxi, que amb eles ganhèt lo festival de musica de Castrocaro en 1981. Faguèt sa primièra aparicion al famós Festenal de Sant Rémol doas annadas mai tard amb las cançons "Una notte che vola" e "Nuvola". Son primièr album, "Un pò di Zucchero" espeliguèt en 1983 amb un succès limitat. Un còp son nom installat sus la mapamundi de la musica italiana, Zucchero, en cèrca d'orizonts e evolucion novèls, se mudèt en California en 1984.

En California sortiguèt son segond album, "Zucchero & The Randy Jackson Band"", en 1985. Aqueste album conten son primièr grand succès, "Donne", que capitèt bèlament en Itàlia.

Sortiguèt puèi "Rispetto" e "Blue’s" (que d'unas cançons li foguèron escrichas per Gino Paoli) las doas annadas seguentas. Pendent la virada que fasiá la promocion de l'àlbum "Blue’s", Zucchero interpretèt la cançon dels Beatles "With A Little Help From My Friends" en companhiá de son grand amic Joe Cocker.

Discografia principala[modificar | modificar la font]

(a publicat de reedicions nombrosas, amb de variantas)

  • Un po' di zucchero (1983)
  • Zucchero and the Randy Jackson Band (1985)
  • Rispetto (1986)
  • Blue's (1987)
  • Snack Bar Budapest original movie soundtrack (1988)
  • Oro incenso & birra (1989)
  • Zucchero sings his hits in english (1990)
  • Zucchero (1991)
  • Zucchero Live at the Kremlin (1991)
  • Miserere (1992)
  • Diamante (1994)
  • Spirito DiVino (1995)
  • The Best of Zucchero Sugar Fornaciari's greatest hits (1996)
  • Bluesugar (1999)
  • Overdose d'amore the ballads (1999)
  • Bluesugar & Whitechristmas (1999)
  • Shake (2001)
  • Zu&Co (2004)
  • Fly (2006)
  • Chocabeck (2010)
  • La sesión cubana (2012)

Ligams extèrnes[modificar | modificar la font]