Zamba (personatge de dessenh animat)

Un article de Wikipèdia, l'enciclopèdia liura.

Zamba qu'ei lo protagonista d'ua seria de dessenh animats educiatius creat per la cadena de television nacionau argentina Paka Paka. Que ho estreat en 2010 dab episòdis d'un vinteat de minutas on Zamba, un petit mainatge curiós originari de la provícia de Formosa b'èra arronçat dehens lo passat de l'istòri argentina e rescontrava personatge istorics.

L'escaduda que ho tala que lo format e los temas que hon diversificats sus las annadas e los capitols seguents (istòri universala dab la Revolucion francesa e la Revolucion industriala, descobèrta deu còrs uman explicat per lo personatge deu doctor Ramón Carrillo, artistas de beus arts qui explivan las loras òbras, Atahalpa Yupanki illustrant diferent genres musicau, lo paleontologiste Fiorentino Ameghino presentant diferent animaus de l'epòca deus dinosaures, ua garba de visita au Planetarium de Buenos Aires entà descobrir l'universe, quatre capitols sus l'istòri e l'analisi deu fotbòl e mantun clips d'activitats scientifica, de cosina e autes temas).

Lo tema de la Dictatura militara argentina qu'ei abordat au nivèu deus mainatges dens lo capitol sus l'Ostau Arroset e que miè la seria a estar nomenada aus Grammy Awards. Com producte d'ua cadena de television gavidada peu govern de Cristina Fernandez de Kirchner qu'ei criticat peus mejans mediatics d'oposicion per'mor de la soa apròcha de l'istòria on los personatges istorics e s'umanisan com personatges de dessenh animat, ço que, dens lo cas deu president Sarmiento e ho criticat peu musèu qui li ei vodat dehens lo son ostau nada de San Juan.

Ua comedia musicau peus mainatge que ho montada basada sus lavida deu generau José Francisco de San Martin e monaca de peluche que son comercializadas peu quite govern, la loa fabricacion hidada a ua mena de coperativa.