Xavièr Reguís

Un article de Wikipèdia, l'enciclopèdia liura.

Xavièr Loís Reguís (Sisteron, 12 de novembre de 1790Sisteron, 15 de març de 1882) èra un militar e politician occitan de Provença que foguèt deputat jol Segond Empèri.

Biografia[modificar | Modificar lo còdi]

Xavièr Reguís durant la segonda mitat del sègle XIX

Xavièr Reguís nasquèt en 1790 dins una familha de notables de Sisteron, filh de Glaudi Loís Reguís e de Maria Magdalena Margarida Guigas. Son paire èra avocat e monitor-sindic del districte de Sisteron. Lo jove Xavièr faguèt d’estudis a l’Escòla politecnica de París tre 1808 e ne sortiguèt primièr, abans de dintrar dins l'artilhariá. Foguèt luòctenent durant la campanha de Russia e quand ne tornèt foguèt fach capitani e cavalièr de la Legion d’onor. Puèi en 1813 participèt a la Campanha d’Alemanha ont patiguèt divèrsas nafras. Sas feridas l’obliguèron a tornar a la vida civila e èra doncas en mièja sòlda quand arribèt la Restauration. En 1835 venguèt director de la refinariá de salpetre de Marselha.

Del temps de la Monarquia de Julhet, tornèt a l’armada. Partiguèt en retirada en 1850, amb lo gra de luòctenent-coronèl (obtengut en 1848), e se presentèt jos l’etiqueta de candidat del govèrn en 1853 al Còs legislatiu. Il est par la suite constamment réélu en en 1857, 1863 et 1869. A mai se suportèt l’Empèri, de còps que i a votava tanben amb los liberals, mai que mai contra la lei militara en 1868. Signèt en 1869 la demanda d’interpellacion del grop dels 116 que reclamava la transformacion liberala de l’Empèri francés.

En novembre de 1869 presidiguèt la dobertura de la session del Còs legislatiu coma degan dels elegits. Votèt contra la guèrra en Prussa e tornèt a la vida privada quand se debanèt la revolucion del 4 de setembre. Venguèt Comandador de la Legion d’onor lo 2 d’agost de 1860 e grand oficièr lo 12 d’agost de 1869.