Woody Allen
|
||||||||||||
|---|---|---|---|---|---|---|---|---|---|---|---|---|
 |
||||||||||||
| Nom | Allan Stewart Konigsberg | |||||||||||
| Naissença | 1 de decembre de 1935 Nòva York, Estats Units |
|||||||||||
| Nacionalitat |  Estats Units |
|||||||||||
| Profession(s) | director, scenarista, escrivan e actor de cinèma | |||||||||||
| Sit web | www.woodyallen.com | |||||||||||
| Ficha IMDb | ||||||||||||
Woody Allen (nascut Allan Stewart Konigsberg lo 1 de decembre de 1935) es un director, scenarista, escrivan e actor nòrd-american. A filmat la màger part de las siás pelliculas a Nòva Yòrk, la siá vila natala. Es tanben clarinetista en una banda de jazz.
Biografia [modificar]
D'origina josieu, nasquèt al districte del Bronx mas se crièt a Brooklyn. A catorze ans aprenguèt a tocar lo clarineta e a setze comencèt ja a escriure de remoquets per The New York Post, lo primièr que ne foguèt publicat lo 25 de novembre de 1952. Lo 1953 foguèt contractat per un agent publicitari per escriure de remoquets, e pendent un an faguèt unes corses a l'Universitat qu'acabèt pas. Après trabalhar de scenarista a la ràdio e la television, comencèt a èsser reconegut pels gags qu'escribit pel umorista Sid Caesar, lo primièr que ne foguèt emés lo 2 de novembre de 1958.
Lo 1960 debutèt coma umorista al club Blue Angel, e lo 1963 èra ja reconegut dins tot lo país mercés a una virada. Debutèt dins lo cinèma coma scenarista e actor en un papièr segondari a What's New Pussycat? (Estreat als Estats Units lo 22 de junh de 1965). Lo 1966 estreèt la siá primièra òbra de teatre, Dòn't Drink the Water e publiquèt unes primièrs contes a la revista The New Yorker. Coma director, lo sieu primièr film foguèt Take the Money and Run (estreat lo 18 d'agost de 1969). La consagracion arribèt amb Annie Hall (estreada lo 20 d'abril de 1977), que ganhèt per el quatre prèmis Oscar, que volguèt pas anar a recebre, en metent la desencusa que lo meteis jorn aviá un concèrt amb lo sieu grop de jazz.
Es autor d'una autra òbra teatrala, Play It Again, Sam (1969) e de tres libres ont i amassa los sieus contes: Getting Even (1971), Without Feathers (1975) e Side Effects (1980). Se liguèt sentimentalament a las actrises Diane Keaton e Mia Farrow, de protagonistas de la majoritat de las siás pelliculas. D'aquela darrièra n'a un filh, Satchel (nascut lo 10 de decembre de 1987), mas se'n separèt après un grand escandal, lo 1993, en se far publica la relacion qu'aviá amb la filha adoptiva de la Mia Farrow (qu'alavetz encara èra lo sieu coble oficial), Soon-Yi Previn, que s'acabèt amb el en maridant lo 22 de decembre de 1997.
Lo 2002 recebèt lo Prèmi Prince d'Astúrias dels Arts,[1] e lo 2007 foguèt investit doctor honoris causa per l'Universitat Pompeu Fabra de Barcelona[2] , per la siá contribucion a las arts e la cultura populara.
L'an 2008 rodèt una pellicula dins la Ciutat Comtal amb Scarlett Johansson, Penélope Cruz e Javier Bardem: Vicky Cristina Barcelona.
