Wikipèdia:La tavèrna

Benvengut a la Tavèrna de la Wikipèdia Tavèrna dels non-occitanofòns
	Archius de la Tavèrna: 001 - Del començament fins a Genièr de 2006 002 - Genièr a junh de 2006 003 - Junh a setembre de 2006 004 - Setembre a novembre de 2006 005 - Decembre de 2006 a febrièr de 2007 006 - Març a mai de 2007 007 - Junh a octòbre de 2007 008 - Novembre a decembre de 2007 009 - Genièr de 2008 a febrièr de 2008 010 - Març de 2008 011 - Abril a mai de 2008 012 - Junh a agost de 2008 013 - Setembre a decembre de 2008 014 - Genièr a març de 2009 015 - Abril a setembre de 2009 016 - Setembre a decembre de 2009 017 - 2010 018 - Primièr semèstre de 2011 019 - Segond semèstre de 2011

Promocion de l'article Drech d'autor

Un article plan redigit sus un subjècte rar. Pensi que pòu èsser una oportunitat per obtenir un article de qualitat dins un domeni gaire frequent e aumentar un pauc nòstra visibilitat.

La pagina de vòte es aquí: Wikipèdia:Proposicion articles de qualitat.--Toku (d) 6 genièr de 2012 a 09.17 (UTC)

Announcing Wikipedia 1.19 beta

Wikimedia Foundation is getting ready to push out 1.19 to all the WMF-hosted wikis. As we finish wrapping up our code review, you can test the new version right now on beta.wmflabs.org. For more information, please read the release notes or the start of the final announcement.

The following are the areas that you will probably be most interested in:

• Faster loading of javascript files makes dependency tracking more important.
• New common*.css files usable by skins instead of having to copy piles of generic styles from MonoBook or Vector's css.
• The default user signature now contains a talk link in addition to the user link.
• Searching blocked usernames in block log is now clearer.
• Better timezone recognition in user preferences.
• Improved diff readability for colorblind people.
• The interwiki links table can now be accessed also when the interwiki cache is used (used in the API and the Interwiki extension).
• More gender support (for instance in logs and user lists).
• Language converter improved, e.g. it now works depending on the page content language.
• Time and number-formatting magic words also now depend on the page content language.
• Bidirectional support further improved after 1.18.

Report any problems on the labs beta wiki and we'll work to address them before they software is released to the production wikis.

Note that this cluster does have SUL but it is not integrated with SUL in production, so you'll need to create another account. You should avoid using the same password as you use here. — Global message delivery 15 genièr de 2012 a 16.27 (UTC)

Comunas e basa de donadas

Avèm un problèma: es vengut fòrça malaisat de trabalhar sus leis articles pertocant lei comunas. Sovent, l'accès a aqueleis articles es lòng (vòli dire simplament per lei consultar). E quand es question de modificar l'article o una seccion de l'article, la respònsa es totjorn longassa, apareis frequentament un messatge d'error (la fenèstra WIKIMEDIA FOUNDATION Error; lo messatge s'acaba per: Error: ERROR_READ_TIMEOUT). Precisi que quand se trabalha sus d'articles qu'an pas per subjècte lei comunas, lo foncionament es normau. Faudriá veire s'es pas possible de demandar una intervencion tecnica. Coralament, Vivarés (d) 16 genièr de 2012 a 10.45 (UTC)

Es un problèma d'estructura de las informacions mesas en plaça per Boulaur: al lòc de pichons fichièrs de donadas per departament (entre 250 e 450 comunas), utiliza ara de fichièrs globals al nivèl francés: la recèrca se fa sus mai de 36000 linhas a cada còp. Vau veire amb Boulaur se podèm reparar aquò rapidament. --— Joan Francés B. ^{(me´n parlar)} 16 genièr de 2012 a 13.34 (UTC)

L'article Leitora es inaccessible. Quand demandi [[1]] (http://oc.wikipedia.org/wiki/Leitora), i a pas de respònsa. Vivarés (d) 22 genièr de 2012 a 23.57 (UTC)

Promocion de l'article Bastida (vila)

Prepausi aquel article per doas rasons principalas que son lo fach que respècta lei critèris d'un article de qualitat e que tracta d'un subjècte pròpri a Occitània. Ansin, es l'ocasion d'obtenir un article de qualitat suplementari e d'acomençar de se posicionar coma referéncia sus lei tematicas occitanas.

La pagina de vòte es aquí: Wikipèdia:Proposicion articles de qualitat.--Toku (d) 6 genièr de 2012 a 09.17 (UTC)

VERGONHA MODELICIDA ... ARMA D'ESCAFAMENT GLOBAL

Quina vegonha... escafatz, escafatz...

centenas d'oras de tribalh, trop de fòrça de tribalh ... entà los servidors de la wiki fondacion ?

Que soi pas aquiu entà melhorar los servidors; qu'ei pas l'argent que cau.

Qu'ei otras centenas d'oras de botar dens : la familha, los pompièrs, diversas associacions.

Adishatz donc,

Boulaur (d) 23 genièr de 2012 a 07.23 (UTC)

Messatges a totes los editors

Perdon a los qu'ai pogut doblidar en messatge dirècte... Adieu a totes, vos escrivi que pensi que la situacion es mai complicada, enfuocada en realitat qu'o foguèt pas jamai e que se contunham aital, la wikipèdia i subreviurà pas.

Aparentament dempuèi ièr avèm un utilizaire exterior a la wikipèdia occitana, Midom, que s'es fach un plaser a escafar una part del trabalh enòrme e meritós que fa Boulaur dempuèi un brave brieu. Boulaur segur s'es enfuriat e compreni plan sa decision. Personalament pòdi comprendre que i aja d'errors e que degan èsser rectificadas pasmens 1) cal pas se fotre dels que trabalhan aicí (podètz legir la tièra de comentaris qu'amassarai sus ma pagina) 2) cal respectar la burocracia occitana (question de respècte e de territorialitat a l'encòp) e pas intervenir coma un dictador omnipotent e omniscient a mai se la persona es una autoritat de la Fondacion Wikimedia (sembla que siá Domas Mituzas..., pensi pas que siá qualqu'un mai qu'emplegue lo nom...).

Per aquestas rasons, pensi que nos cal respondre rapidament e efectivament a aqueste vandalisme (es un vandalisme, venga d'ont venga! Lo fach d'èsser en naut d'una ierarquia implica pas d'actituds dictatorialas ni mai una manca de respècte, al contrari...) e que se se fan pas d'accions consequentas, coma Boulaur me n'anirai d'aquesta wikipèdia e probablament del Wikiccionari tanben. Pasmens es pas de chantatge (es a vosautres de veire se cal contunhar de pèrdre de gents e s'avèm lo coratge de defensar nòstre projècte, Boulaur a fach e fa un brave trabalh e nos podèm pas permetre de lo veire atacat sus de conariás...) mas pensi que nos cal arribar un jorn a manifestar una unitat d'accion e subretot de defensa del trabalh d'un de nòstres membres que jamai es pas estat polemic (contràriament a ieu per exemple...). I aviá d'autres biaisses de far, constructius segurs e son pas estats emplegats...

La basa del problèma ven tanben de nòstra manca inerenta d'administracion mai articulada e espèri que Cedric respondrà lèu a la demanda que li faguèri de votar per almens un burocrata (el es pas pro present malastrosament) e un administrador de mai per poder gerir l'evolucion de la wiki e los problèmas coma aqueste.

Demandi doncas a nòstra administracion una presa de decision per desfar los escafaments comols d'arrogància de Midom, en considerar qu'es estat un vandal e doncas de lo blocar sus aquesta wikipèdia e/o de metre en plaça una cauma per denonciar aquesta situacion d'invasion de competéncias e de manca de respècte envèrs la comunitat occitana. Mercés de vòstra atencion e bon coratge per tot. Amistats, Claudi/Capsot (d) 23 genièr de 2012 a 09.36 (UTC)

De segur, siáu d'acòrdi amb çò que ditz Capsot: es una manca totala de respècte dei contributors (Boulaur bèu premier), e una intervencion brutala, amb de comentaris descortés. L'autor deis escafaments es aumens administrator de la wikipèdia de lenga anglesa (cf. [2]). Conoissi pas lei règlas de foncionament de la Fondacion Wikimedia: per ieu, es un cas evident d'abús de poder, mai en cu s'adreiçar per o far constatar e demandar de sancions? E tecnicament, es possible d'anullar leis escafaments? Coralament, Vivarés (d) 23 genièr de 2012 a 11.43 (UTC)

Vòli exprimir mon sosten total a Bonlaur fàcia a aqueste comportament intolerable. Se los modèls pausan problèma es sempre possible de los corregir en lo demandar polidament. Avèm pas de subir aquesta mena de comportament de vandal e un minimun de respècte fa mestièr. Cresi que cal pas demorar sens reaccion, devèm restablir los escafaments e balhi mon sosten a tota cauma e/o protestacion collectiva.Jiròni (d) 23 genièr de 2012 a 12.13 (UTC)

Responsa a mon messatge laissat sus la wikipèdia catalana

Adieu tornarmai,
Pausèri/expliquèri lo problèma a la wiki catalana e qualques editors m'an respondut cortesament e donat qualques vias d'accion. Vos meti aicí çò que m'a respondut Vicenç Riu Llop (Vriullop) que mercegi:

"Segons m:User:Midom, és administrador de sistemes i programador de Wikimedia, ja no és membre del Board of Trustees. Suposo que s'ha atorgat els drets d'administrador per esborrar aquestes plantilles. El fet que no hagi donat explicacions i els modals usats són inacceptables. En cas d'un conflicte així, es pot obrir un request for comments a meta: m:Requests for comment. --V.Riullop (parlem-ne) 12:54, 23 gen 2012 (CET) Afegeixo l'enllaç al registre: https://oc.wikipedia.org/w/index.php?title=Special%3ALogs&user=Midom. --V.Riullop (parlem-ne) 12:57, 23 gen 2012 (CET)"

Modèls escafats ; problèma de talha dels modèls

Adishatz, qu'ei hèit un gran nombre de modèls entà las infoboxes de comunas e la demografia francesa... qu'an besonh d'ua grana fòrca de calcul.

Que me cau cambiar los modèls entà evitar de blocar lo sistèma; ço qu'ei arribat la setmana darrièra !!! L'utilizaire:Midom a escafat los modèls sens cercar entà desblocar lo sistèma... faiçon de har un pauc brutala.

Pr'aquò a rason.... lo sistèma a pas ua capacitat sens limitas.

Demandi de desfar los siens escafaments... pr'aquò qu'ensejarei de cambiar los modèls entà limitar l'utilizacion de podèr per aquèths modèls.

Lo modèl:Demografia, lo mei golard en podèr es desactivat.

Boulaur (d) 23 genièr de 2012 a 12.29 (UTC)

Lo problèma amb Midom e la "governància" de la wp occitana

Adieussiatz, L'exèmple del cas Midom nos deu ajudar a avançar. Avètz vist (o benlèu pas: ai retablit los modèls e tanben blocat lo Midom per una setmana) que li ai demandat una explicacion, veirem ben (se respond pas, passarai a la procedura explicada pels catalans...)

Pauques que sèm, es pas sempre aisit d'un latz d'aver una accion rapida dels administrators, d'un autre latz de metre en plaça un "govèrn" de la wikipèdia occitana.

Primièr, cal ramentar que sèm pauques administrators e que sol Cedric es Burocrata. Al meu veire, es pas un problèma d'aver sonque un Burocrata, que las diferéncias de poder amb los administrators son pas gaire importantas. Se per cas sètz pas d'acòrdi, soi tot lèst a vos propausar ma candidatura. Al contrari, aver un o dos administrators de mai faria bon far. Me sembla que Capsot, Boulaur, Vivarés serian d'administrators dels bons, e seriai d'acordi per ne sosténer la candidatura.

Après, nos fa manca una coordinacion entre los administrators. Dins las wikipèdias gròssas aquò passa per de paginas especialas. Sus la wikipèdia occitana, propausi qu'aquò se faga dirèctament sus la Tavèrna. Solide de còps que i a aquò interèssa pas los utilizaires normals mas n'i a pas tantes...

A vos... --— Joan Francés B. ^{(me´n parlar)} 23 genièr de 2012 a 14.38 (UTC)

Adiu e oc a tot, voti per tots los qu'as mentavuts com administrators e burocrates, eventualament auri arren contre estar jo medish burocrate e podem nos engatjar sus ua mena compte rendut (e realitat amassada publica) aqui medish (quitament s'aquo e hosse per escabiar ua prauba sola frasa ebdo.

coraument --Lembeye (d) 25 genièr de 2012 a 12.02 (UTC)

Ges de futur per Wikipèdia

Lei problèmas recents qu'evocatz an pas de solucion. Wikipèdia (en anglés, en occitan e dins leis autrei lengas) es concebuda per far trionfar l'amatorisme e per descoratjar lo professionalisme. L'arbitrari i es totjorn pus fòrt que la qualitat. Passar d'oras de trabalh per melhorar Wikipèdia es una pèrda de temps. La solucion se pòt trobar ren que dins de menas d'enciclopèdias completament diferentas coma Citizendium o, dins un autre genre, l'[http://www.enciclopedia.cat/ Enciclopèdia Catalana].--Nil Blau (d) 23 genièr de 2012 a 19.23 (UTC)

Tre lo sègle XIX l'occitanisme (que li disian Felibritge, aquò rai) es fondat sus l'amatorisme e lo refus de l'institucionalizacion. Es lo gòt a mitat voide o a mitat emplit? M'estimi melhor de veire (remirar, criticar, aquò rai) çò que se podèt far amb lo temps liure de monde que n'an pas e non pas de demorar de badas d'estructuras "professionalas" qu'an pas res produch. Faguèssem avant! --— Joan Francés B. ^{(me´n parlar)} 23 genièr de 2012 a 22.16 (UTC)

Ieu vòli trabalhar dins lo sègle XXI, pas dins lo sègle XIX.--Nil Blau (d) 24 genièr de 2012 a 11.15 (UTC)

Personalament trabalhi dins lo sègle XXI e vesi pas tròp de diferéncias. I a los que parlan e los que trabalhan. Demòri amb paciéncia las produccions dels professionals... --— Joan Francés B. ^{(me´n parlar)} 24 genièr de 2012 a 12.46 (UTC)

A bòn astre!--Nil Blau (d) 24 genièr de 2012 a 14.36 (UTC)

Adishatz, co que dises Nil Blau qu'ei juste, mes be vivem pas dens un monde on i aure de professionaus enta har aqueth trabalh ; wikipedia qu'ei lo purmer loc de recerca internet ; qu'ei lo sol loc de balhar aqueth mejans de tau endom a l'occitan ; qu'ei lo loc de convergencia qui cada dia e he arrecotir monde a partir de paginas en castelhan/angles/catalaN e quitament franchimand.

citizendium qu'ei solament en angles e, de tot biais, qu'impausa ua limita d'etat e, epr estar franc, pensi que los mei pecs sus la wikifranchimanda (PR e K epr exemple peu qui an lo malastre de s'i passetjar) be son pro mei vielhs qu'aquo.

wikipedia b'ei pas bona mes qu'ei un loc per on passa la majoritat e qu'ei ço qu'avem de gencer e de mager. A nosauts de masedar la bestia au mielh (quitament per ua resulta mala e decebenta ; n'avem pas mielh a har d'un certe bieais).

coraument, --Lembeye (d) 25 genièr de 2012 a 08.57 (UTC)

Siáu d'acòrd ambé Lembeye. Wikipèdia es quasi lo solet luòc onte se pòu trobar d'articles enciclopedics en occitan. Es verai que siam gaire nombrós de participar e que nòstra influéncia entre leis autrei projècte Wiki es fòrça limitada. Pasmens, en 2011, avèm ja obtengut de resultats amb una aumentacion dau nombre de visitas, dau nombre d'articles (de qualitat o non) e començam pauc a pauc de definir lo futur de nòstre projècte (mai de subjèctes sus Occitània, mai d'articles sus lei comunas ? ... etc.). Contuniem donc de trabalhar sus la "bestia" e benlèu, qu'un jorn, obtenirem de resultats. Coratge !--Nicolas Eynaud (d) 25 genièr de 2012 a 12.01 (UTC)

A Joan-Francés Blanc. As dich: «I a los que parlan e los que trabalhan. Demòri amb paciéncia las produccions dels professionals...» I a una realitat que deves comprene: lei professionaus trabalhan e parlan pauc. Certaneis amators parlan fòrça e trabalhan pauc (o, se per cas trabalhan, trabalhan mau). En mai d'aquò, certaneis amators an costuma de pas veire o de contestar la realitat dau trabalh concret e enòrme que fornisson lei professionaus dins lei publicacions especializadas. Tot aqueu problèma ven de la dicotomia estupida entre "militants" e "universitaris" que caracteriza l'occitanisme e que crèa, ansin, dos univèrs parallèls que s'ignòran. Robèrt Lafont a analisat aquela question dempuei leis ans 1970.--Nil Blau (d) 28 genièr de 2012 a 12.25 (UTC)

O sabi tot aquò, mas Wikipèdia patís pas tant qu'aquò de l'amatorisme. Siam totes a aprene, a nos melhorar, a vertadièrament collaborar. Vivarés fa un trabalh de correccion dels gròsses. Lembeyre, Capsòt, Nicolas E., Eòle e d'autres (del nom cambiadís...) fan lor part en crear d'articles de bona qualitat. Boulaur ensaja d'automatizar la creacion d'articles (i a per ara de problèmas, mas dona de temps per melhorar aquò). Coma o dison los autres, nos melhoram en visibilitat, fasèm cas de la lenga, avançam e acceptam la critica, s'es portaira de messatges positius, qu'a nòstra lenga li fan sofracha. --— Joan Francés B. ^{(me´n parlar)} 28 genièr de 2012 a 12.38 (UTC)

Contèsti pas lo seriós de certanei wikipedians occitans. Lo problèma ven pas d'aquelei wikipedians occitans seriós. Lo problèma ven de la quita concepcion de Wikipèdia que, tre l'origina, favoriza l'amatorisme e empacha d'eradicar la mediocritat. E la cultura de grop de l'occitanisme (antiprofessionalisme, amatorisme descomplexat) nos ajuda pas a se'n sortir. Es necessari d'exprimir aquestei criticas se volèm garir l'occitanisme de son immaturitat cronica. Ai l'espèr que i arribarem.--Nil Blau (d) 28 genièr de 2012 a 12.50 (UTC)

Una question : Parlas deis universitaris en generau ò deis universitaris occitanistas en particular ? --Matieu Castel (d) 31 genièr de 2012 a 17.28 (UTC)

Certanei personas, dins l'occitanisme militant, cultivan un mesprètz tenaç còntra leis universitaris en generau, còntra lei scientifics, còntra lei cercaires, còntra leis intellectuaus, còntra la coneissença.--Nil Blau (d) 31 genièr de 2012 a 18.19 (UTC)

mai aquò es pas pròpi a l'occitanisme mi sembla. Leis universitaris son totjorn percebuts, de pertot, per una part gròssa dei gents coma de fenhantàs... Lo podem regretar mai es en ren una particularitat occitana. A despart d'aquò, evidentament, a ieu tanben m'agradariá que totei leis articles de la wiki occitana siguesson escrich per d'especialistats dins son domeni. Lo problèma es que d'universitaris especialistas, aquò si paga (çò-normau, e es per aquò qu'existon d'autres projèctes enciclopedics qu'an pas la mesma amira que Wikipèdia)) e d'universitaris especialistats dins d'autres domenis que la lingüistica ò l'istòria que mestrejan l'occitan ne l'a pas gaire... Coma fasem ?--Matieu Castel (d) 31 genièr de 2012 a 18.40 (UTC)

L'antiintellectualisme se pòt trobar dins totei lei país. Mai es ben pus fòrt dins lo movement occitan que non pas dins lei movements catalan, basco o escocés, etc. Dins lei movements catalans —sens idealizar—, lei militants de basa assajan mai de se cultivar e leis intellectuaus son pus escotats. La solucion? Ieu disi pas que Wikipèdia deu fòrabandir lei non-universitaris, de ges de biais... Disi que Wikipèdia deuriá adoptar de comissions d'expèrts reconeguts (en s'apiejant sus lo CV, lei diplòmas, leis òbras realizadas) qu'aurián lo poder de donar una etiqueta de qualitat au contengut deis articles o de resòuver lei conflictes sus lo fons. Aquò empachariá pas lei contribucions liuras e espontanèas dei non-expèrts. Se poiriam inspirar de Citizendium que fonciona ben (mai qu'es en anglés).--Nil Blau (d) 31 genièr de 2012 a 19.17 (UTC)

òc, seriá bessai mièlhs, mai leis universitaris que mestrejan l'occitan e que son especialistas de fisica, de quimia, de sociologia, d'espòrt, d'astrologia, etc..., es pron malaisit de ne'n trobar non ? Lei catalans an un sistèma universitari complet dins sa lenga, nautres non... Pasmens, mi sembla qu'es la mai viva dei wiki en lenga "regionala" de França, maugrat d'aqueleis empachas... Segur que si podriá melhorar, e bessai si melhorarà dins lo temps. Per ara, çò qu'es fach mi sembla pron remirable, estent lei mejans qu'avem. Per aquò feliciti aquelei que la fan viure aquesta wiki, e regreti de pas lei posquer ajudar mai qu'aquò. --Matieu Castel (d) 31 genièr de 2012 a 19.34 (UTC)

au mitan de tot aquel embròlh

Adieu en toei, esperi de vos pas tròp destorbar, que mi semblatz d'aver quauquei problemas que malurosament, vos pòdi gaire ajudar per lei resóuver... Vos voliáu simplament dire que lo motor de recerca d'aquela wikipèdia es de ben mal emplegar. Faguèri un article sus Castèu-Gombert, e vaquí çò que dona lo motor de recerca s'un pica 'Castèu Gombert : http://oc.wikipedia.org/w/index.php?title=Especial%3ARec%C3%A8rca&search=Cast%C3%A8u+Gombert

La soleta solucion per anar a l'article es de picar parier-parier son nom. Se li manca una majuscula (emai s'escrives Castèu-gombert ti lo troba pas !!!), prepausa la mesma causa... Es-ti normau ? Es gaireben impossible de se ne'n servir per lei noms de comunas, que l'ortografia es pas totjorn ben fixada. L'a pas mejan de donar mai de "sensibilitat" a n'aqueu motor ?, coma fan leis autres wiki, quand quand picas un nom amb un dèca, ti prepausa quasi totjorn lo mòt que recercavias. Salutacions en toei, franc d'aquò, assajarai de metre d'articles de temps en quora, ara que trabalhi dins l'admenistrança francesa, ai mai de temps ! Matieu Castel (d) 24 genièr de 2012 a 21.49 (UTC)

Adieu Matieu, l'article lo venes de crear, cal esperar qualquas oras que siaga "indexat" per èsser trobat pel motor de recèrca. La recèrca dèu èsser exacta, valent a dire que levat la primièra letra (que la diferéncia majuscula/minuscula es pas tractada) deves picar exactament... Mas te conselhi sonque d'esperar un pauc. (La sembla-ataca de Midom es lo simptòma que i a per ara quicòm que truca dins las basas de donadas de wikipèdia - aquel Midom es administrador de basas de donadas, e intervenguèt un pauc mai fòrt que çò que caliá per ensajar de resòlvre de problèmas de basas de donadas)... --— Joan Francés B. ^{(me´n parlar)} 25 genièr de 2012 a 03.44 (UTC)

Adieu e gramaci per ta respònsa ! Mi veni d'avisar que la pagina quartier de Marselha es estada cambiada. Li levèron totei lei quartier qu'apondèri aier, e mai d'autres que l'èran avans... Aquò ven d'aqueu particulier de Midom ? Pasmens si pòdon totjorn trobar via lo motor de cerca, basta de sacher qu'existan ! ---Matieu Castel (d) 25 genièr de 2012 a 10.57 (UTC)

195.25.174.197

Adishatz, qu'ei blocat indefinidament l'utilizaire 195.25.174.197. Qu'ac ei heit dens l'urgencia per qu'era a mau har. Sentishètz vos libre se lo liberar se trivatz quauque rason epr ac har, be i agó pas nat question de principi dehens la ema accion, solament pregmatisme e urgencia. coraument, --Lembeye (d) 2 febrièr de 2012 a 14.31 (UTC)

Temps de blocatge redusit, mas agères rason d'o far. Mai d'explicas sus ta pagina de discussion. --— Joan Francés B. ^{(me´n parlar)} 2 febrièr de 2012 a 22.17 (UTC)

Toponims de Bretanha

Adieussiatz, lo robòt de Boulaur es a crear paginas per las comunas de Bretanha. Va plan, levat que per las comunas de la Bretanha orientala qu'es pas de lenga bretona crea l'article jol nom en breton, e non pas en francés (o gallo). Aquò me gèina que per d'autres toponimes avèm decidit de privilegiar lo nom "imperial" (per ex. Bako e pas Baki per la capitala d'Aserbaitjan qu'es pasmens de lenga azèri). Me sembla que cal metre en plaça una politica e la seguir. Presa de decision ? A vos... --— Joan Francés B. ^{(me´n parlar)} 2 febrièr de 2012 a 22.22 (UTC)

En Bretanha Orientala (o País Galò), l'idiòma autoctòn es lo galò mai una partida de la populacion locala tanben i revendica l'usatge dau breton (celtic). S'atròba que lei toponims (e non pas «toponimes*») en galò son pauc documentats (en mai d'aquò, l'ortografia dau galò es iperoriginala, non foncionala e pauc accessibla). En aqueu cas, me sembla acceptable d'utilizar lo nom breton (celtic) e tanben lo nom francés estandard. La nòrma dau CLO sus lei noms pròpris forestiers autoriza d'utilizar siá la lenga autoctòna, siá la lenga oficiala (levat en Catalonha ont se deu utilizar sol lo nom catalan... e levat se i a pas un nom ja occitanizat coma Nantas o Bretanha).--Nil Blau (d) 3 febrièr de 2012 a 00.01 (UTC)

Se compreni plan, preconizas d'utilizar per Bretanha orientala los toponimes bretons que los gallo son pas normalizats, es que cal comprene que per Occitània, sens nòrma toponimica clara, devèm tornar als toponimes francés ? --— Joan Francés B. ^{(me´n parlar)} 3 febrièr de 2012 a 10.49 (UTC)

Non. Comprenes pas "plan". Me fagas pas dire çò que disi pas. Sufís de me legir totun: la nòrma occitana e la nòrma bretona (celtica) son mielhs definidas —e pus disponiblas— que la nòrma galò. E d'autre latz, se te planhes que i a pas de "nòrma clara" en occitan, pòdes contribuir intelligentament a resòuver aqueu problèma en escrivent normativament "toponim".--Nil Blau (d) 4 febrièr de 2012 a 00.19 (UTC)

Adishatz, los noms en galò son pas tots dens las paginas de comunas de las wikis francesa o bretona. Qu'ei botat lo nom de la pagina en breton... lenga regionala principala.

Pensi que cau utilizar los noms autoctònas entà evitar las paginas dab noms en francés (lo nom "imperial") e botar la significacion en lenga nòstra. Ua wikipèdia occitanista dab ua politica "imperialista" sus los noms de luòcs m'agradariá pas tròp.

Boulaur (d) 3 febrièr de 2012 a 11.44 (UTC) (E tanben botar Bakı en Azèri])

Escafament dei redireccions

Sovent se crèa una redireccion quand lo títol de l'article es erronèu (mau ortografiat...) o qu'es pas satisfasent per divèrsei rasons (cas deis articles sus lei comunas: omonimia o autra rason). Quand l'article qu'a per títol Nom_1 es renomenat (amb redireccion) en Nom_2, fau verificar leis autreis articles que fan referéncia a Nom_1 (comanda: « Paginas ligadas a aquesta  » de la bóstia d'aisinas dins la colomna de senèstra de la pagina d'acuelh) e remplaçar lei liames vèrs Nom_1 per de liames vèrs Nom_2. Es una òbra gaire valorizanta mai necessària. Dins lo cas deis articles sus lei comunas, la gròssa part d'aqueu trabalh es de rectificar lei modèls {{Comunas de ...}} e lei listas de comunas per departament (o ai ja fach mai d'un còp). Vèni de m'avisar que de redireccions escafadas (noms d'articles de comunas) son pas estadas « netejadas » e que fòrça paginas an de liames vèrs aquelei paginas escafadas; cf. Rouvroy. Vivarés (d) 9 febrièr de 2012 a 09.41 (UTC)

I a globalament de problèmas ligats a l'automatizacion de la creacion d'articles sus las comunas. Soi a pensar a una solucion (mas ai pas tròp de temps pel moment). Vo'n tornarai parlar sus la tavèrna. --— Joan Francés B. ^{(me´n parlar)} 12 febrièr de 2012 a 13.35 (UTC)

Cres== aranés ==

Se pòt escríuer en aranés, ací? Ei occitan tanben, mès fòrça viatges se er occitan non ei referenciau te diden que non.

Adieu. L'aranés ei oficiau a Catalonha e doncas referenciau. Ei privilegiat endeus articles sus Aran e suu vesiatge (Catalonha, Espanha...) La sola exigéncia qu'am ei la coeréncia intèrna a l'article... --— Joan Francés B. ^{(me´n parlar)} 12 febrièr de 2012 a 13.33 (UTC)

Adieu-siatz.

• Au contributor anonim: i a fòrça articles en aranés sus de subjèctes fòrça divèrs, dins aquesta Wikipèdia occitana. Avètz tot plen lo drech de vos exprimir en aranés.
• A Joan-Francés Blanc: preferir l'aranés quand se parla d'Aran, aquò se compren. Per còntra, preferir l'aranés quand passam a la «dimension internacionala» en parlant de Catalonha o d'Espanha, aquò me pareis pas indispensable... Segon ta logica, poiriam pas parlar d'Espanha en provençau, poiriam pas parlar de França en aranés, poiriam pas parlar d'Itàlia en lemosin... Inventas un principi personau e originau qu'existís pas dins la Carta lingüistica.--Nil Blau (d) 14 febrièr de 2012 a 19.55 (UTC)

Adieu, cresi pas que poguèssas imaginar quina es ma "logica". Es pasmens çò que fas aquí. Tant val ne rire. --— Joan Francés B. ^{(me´n parlar)} 16 febrièr de 2012 a 16.20 (UTC)

Me bosticas, te bostiqui. I a pas de drama. Tè, t'ofrissi aqueste vidèo.--Nil Blau (d) 16 febrièr de 2012 a 20.15 (UTC)

MediaWiki 1.19

(Apologies if this message isn't in your language.) The Wikimedia Foundation is planning to upgrade MediaWiki (the software powering this wiki) to its latest version this month. You can help to test it before it is enabled, to avoid disruption and breakage. More information is available in the full announcement. Thank you for your understanding.

Guillaume Paumier, via the Global message delivery system (wrong page? You can fix it.). 12 febrièr de 2012 a 15.14 (UTC)

Apondre de fòtos

Tot es dins lo títol.

N'ai quauqueis unas liuras de drech. Coma fau ? --Matieu Castel (d) 15 febrièr de 2012 a 17.21 (UTC)

Adieu,

dos solucions :

• crear un liam dau tipe
  Fichièr:Fotode Matien.jpg
  puei clicar dessus e contunhar coma demandat.
• crear un compte sus media wiki commons [3] puei picar sus importar imatge e segui leis instruccions.

S'as mai de questions, esites pas a me demandar.

Bon coratge.

--Lembeye (d) 15 febrièr de 2012 a 17.59 (UTC)

Dama / Dòna

Mi siau avisat qu'emplegaviam Nòstra Dama de còps, e Nòstra Dòna d'autrei còps. Es que l'a una fòrma de respectar en particular ? Per leis articles tocant Marselha, metèri Nòstra Dòna, mai non sabi tròp de que faire per un article que concerniria Notre Dame d'Amiens per exemple. --Matieu Castel (d) 16 febrièr de 2012 a 11.32 (UTC)

Leis doas formas son ancianas en occitan. Lei trobam en occitan medievau. Alibèrt leis accèpta totei doas. Es pas impossible que Dama siá un francisme ancian, mai ne siáu pas completament segur. En tot cas seriá pas un problèma, la nòrma accèpta quauquei francismes intrats en occitan classic (en catalan, coneisson tanben dama e o considèran coma un francisme vielh e acceptable, amb un sens especializat). Tot en admetent lei doas formas coma corrèctas, cresi que Dòna se pòt far servir coma forma per defaut perque es la mai utilizada dins lo renaissentisme. Ansin: Nòstra Dòna d'Amians...--Nil Blau (d) 16 febrièr de 2012 a 19.53 (UTC)

e ben anomenèri l'article coma me l'as conselhat ! --Matieu Castel (d) 17 febrièr de 2012 a 11.39 (UTC)

Neptun : promocion a l'estatut d'article de qualitat

Un article plan redigit sus un subjècte onte nòstre Wikipèdia es ja relativament eficaç (Astronomia). L'objectiu de la promoccion d'aquel article es de renfòrçar nòstra visibilitat dins lo domeni.

La pagina de vòte es aquí: Wikipèdia:Proposicion articles de qualitat.--Toku (d) 24 febrièr de 2012 a 10.37 (UTC)

article França

Es una galejada aquel article ? Sembla un papafard de Libertat ! Coma s'aqueu pais se resumissiá a son tratament dei monoritats de son territòri... --Matieu Castel (d) 24 febrièr de 2012 a 11.34 (UTC)

Adieu, es verai qu'aquel article es fòrça marrit. Se vòles te'n ocupar, podriáu assair de t'ajudar. Autrament, ai ja previst de l'escriure correctament mai probablament pas avans la mitat de l'annada. D'efèct, mon article en cors (Olocaust) es pas finit e vòli egalament acabar leis articles dei 1000 fondamentaus de la partida "Istòria modèrna" (Apartheid, Revolucion Francesa, Dinastia Qing e benlèu Empèri Britanic).--Nicolas Eynaud (d) 24 febrièr de 2012 a 21.17 (UTC)

òc, aurai un pauc de temps la semana venènta per assajar d'esclargir e de "neutralizar" un pauc tot aquò. --Matieu Castel (d) 25 febrièr de 2012 a 10.11 (UTC)

Mercés de metre los articles novèls ABANS aquela linha