Wikipèdia:Descripcion d'un imatge

Un article de Wikipèdia, l'enciclopèdia liura.

Aquesta pagina complèta las règlas d'utilizacion dels imatges, principalament las entresenhas d'inclure dins la pagina de descripcion.

Existís una categoria consacrada a aqueste subjècte : Modèl de l'espaci "Imatge".

Accès a la pagina de descripcion d'un imatge[Modificar lo còdi]

A cada fichièr cargat sul servidor correspond una « pagina de descripcion » ; qu'aqueste siá d'imatges o d'autres mèdias, coma los sons ; per exemple Imatge:Un_son.ogg.

Òm accedís a la pagina de descripcion d'un imatge en clicant simplament dessús. Per un fichièr son, la pagina de descripcion pòt èsser ligada dempuèi un article ; si que non, utilizatz l'url del tipe http://oc.wikipedia.org/wiki/Imatge:Un_son.ogg o indicatz « Imatge:Un_son.ogg » dins la zòna de recèrca e validatz.

Per crear un ligam vèrs la pagina de descripcion d'un son o d'un imatge sens per aquò inserir l'imatge dins l'article, utilizatz un ligam del tipe [[:Imatge:Un_son.ogg]] o [[:Imatge:Un_imatge.jpg]] comportant un : suplementari.

La pagina de descripcion compòrta tres partidas :

  • descripcion del fichièr ;
  • istoric del fichièr ;
  • ligams associats : lista de las paginas contenent un ligam vèrs lo fichièr (imatge o son).

La partida pus importanta de çò que seguís concernís los imatges pròpriament diches. Pels sons, vejatz w:en:Wikipedia:son.

Contengut de la pagina de descripcion d'un imatge[Modificar lo còdi]

Aprèp son insercion dins un article, l'imatge es encapsulat dins una pagina-imatge. L'adreça de la pagina-imatge es de la forma http://oc.wikipedia.org/wiki/Imatge:Vòstre_imatge.

Per defaut, la pagina-imatge se compausa de l'imatge el-meteis seguit d'una partida descriptiva apelada pagina de descripcion.

Aquesta descripcion conten las indicacions provesidas per l'utilizaire al moment del cargament dins lo camp 'Descripcion del formulari.

Se pòt utilizar la sintaxi wiki (usatge de '' '' per l'italica, de [[]] pels ligams dins l'enciclopèdia, de == == pels títols). Dins la pagina-imatge, los ligams son foncionals, e podètz atal vos passar de modificar la pagina-imatge per i descriure l'imatge.

Los ligams del resumit Descripcion tanben son foncionals dins lo log d'upload (pagina ont son recensats los imatges cargats), mas pas dins l'istoric de l'imatge, ni dins l'istoric de la pagina de descripcion (vejatz aqueste exemple d'istoric per una pagina imatge).

Podètz modificar la pagina de descripcion, per i inclure

  • una presentacion de l'imatge
  • l'origina de l'imatge (per exemple, fòto o dessenh personal, o ligam vèrs una autra wikipedia)
  • la licéncia de l'imatge (GNU FDL per exemple)

Presentacion de l'imatge[Modificar lo còdi]

La pagina de descripcion deu presentar l'imatge per una legenda judiciosa, es a dire portant d'informacion.

Aquò deuriá pas èsser un tèxt de remplaçament (alt), mas puslèu una informacion pels utilizaires qu'an pas d'accès dirècte a l'imatge e un substitut provisòri per un tag longdesc apropriat.

Per exemple: "imatge d'un peis roge dins un pichon bocal" es benlèu inutil.
Per contra, se l'imatge representa una espècia donada d'una planta, o una aficha de filme, de precisar lo subjècte de l'imatge es important.

Tanben podètz precisar la talha de l'imatge en pixèls.

Elements importants d'inclure dins la descripcion[Modificar lo còdi]

Los elements de descripcion permeton de far una recèrca per trobar l'imatge apropriat a un article. Mai son precises, mai l'imatge a d'escasenças d'èsser trobat e doncas expleitat, quitament per d'usatges imprevistes.

Cal pas esitar a utilizar dins la descripcion de ligams nombroses vèrs d'articles de l'enciclopèdia, atal la descripcion serà pus precisa e los articles ligats poiràn eventualament èsser enriquits per l'imatge.

Lo nom de l'imatge ja constituís una descripcion en se: podètz causir asterblau, catedNDHavre-portal-sud, consòlaAtari2XPnegra, etc., çò que dona ja una bona indicacion del contengut e evita de doblons e esclafaments malencontroses de fichièrs, o los evita d'un biais pus explicit que de numèros o autres simbòls.

Monuments[Modificar lo còdi]

Donatz abans tot lo nom complet, e mai sa localizacion per un ligam vèrs l'article d’aqueste luòc, quitament se l'article existís pas encara. Exemple : Catedrala de Nòstra Dama, Lo Havre.

Precisatz la partida fotografiada (façada, portal, cloquièr, colomna, etc), sa situacion (orientacion, pèça del bastiment), l'angle de presa de vista, las dimensions que pòdon èsser de mal evaluar fauta d'element de comparason.

La data e quitament l'ora, la distància de presa de vista, lo luòc ont vos tenètz, en particular per las fòtos a longa distància.

Completatz aquestas entresenhas per d'indicacions sul subjècte, en particular se i pòt aver de confusions, d'estil per exemple : data de construccion, materials, detalhs arquitecturals de soslinhar, etc, l'arquitècte s'es possible (e mai l'autor d'un article sus aqueste arquitècte aurà una illustracion tota trobada, alara qu'ignorava benlèu l'existéncia d’aqueste bastiment).

Donatz tanben d'informacions tecnicas pels fotografes, per exemple escafetz pas las donadas Exif s'utilizatz un aparelh fòto numeric.

Vegetals[Modificar lo còdi]

L'essencial es plan segur lo nom, nom comun o nom scientific se possible e la data.

Indicatz tanben l'etapa del desvolopament : borronament, primièras fuèlhas quand cambian de tinta (verd tendre a la prima per cèrts arbres, mai fosc puèi), etc.

Precisatz las dimensions de la planta, lo luòc, l'altitud, l'exposicion, lo tipe de mitan (terren umid, inondable, rocalhós) qu'explica son implantacion e son desvolopament.

Païsatges e plans largs[Modificar lo còdi]

La data es importanta, mas tanben l'endrech d'ont prenètz la fòto, aquò esclaira sus la perspectiva e pòt explicar cèrts efièches. Podètz tanben completar per una descripcion mai o mens detalhada de las compausantas del subjècte : elements naturals (bòsques, ribièra), monuments o carrièras visiblas, etc.

Objèctes[Modificar lo còdi]

Es bon de precisar la data de fabricacion o de creacion, e mai la data del cliché e indicar las dimensions s'es necessari.

Podètz precisar l'istòria de l'objècte, çò que depend de l'estat d'origina de l'objècte e de l'usança o autras degradacions subidas.

La mencion del nom del fabricant (usina o societat) o de l'artista es evidentament utila (ligam vèrs l'article).

Origina de l'imatge[Modificar lo còdi]

Es essencial de donar l'origina de l'imatge (vejatz Wikipèdia:citatz vòstras fonts).

Exemples :

  • fotografia presa lo 10 de setembre de 2003 per Utilizaire:Cedric31 ;
  • imatge copiat sul sit del jornal Le Monde, edicion del xxx ;
  • imatge escannat de l'obratge xxx (edicion xxx) ;
  • fòto reducha d'una aficha de filme, dempuèi lo sit www.lecinemapourtous.com ;
  • imatge provenent de l'enciclopèdia wikipèdia germanofòna, en fornissent lo ligam vèrs la pagina de descripcion de l'imatge sus la Wikipèdia d'origina (a de fins de verificacion).

Precisatz tant que possible l'autor de l'imatge, vos per exemple e tota autra informacion interessanta.

Quand l'imatge proven d'una autra Wikipèdia, tradusètz sa descripcion en francés. Emplegatz los ligams d'interlenga per metre un ligam vèrs la pagina de descripcion de l'imatge sul wiki dins la lenga apropriada, d'ont deuretz cargar una segonda còpia de l'imatge per l'usatge local.

Quand la font es extèrna a Wikipèdia, donatz un ligam vèrs ela se possible. Dins totes los cases, defugissètz de donar de descripcions dins de lengas estrangièras.

Aquò per donar lo crèdit a qui de drech.

La licéncia : estatut juridic de l'imatge[Modificar lo còdi]

L'estatut juridic de l'imatge designa la natura dels dreches pertocant l'imatge coma creacion o produch e aquò coma element de l'enciclopèdia. Es possible juridicament qu'un imatge aja un estatut dins un mòde o mèdia d'expleitacion e un autre estatut dins un autre mèdia : sufís que los contractes o permetan e/o que las autorizacions ne sián donadas.

Abans de procedir al cargament d'un imatge, vos es demandat de fornir de garantidas quant a son estatut juridic (Vejatz copyrights e la seccion "copyright" sus las règlas d'utilizacion dels imatges).

Cal ajustar que la coneissença explicita de l'estatut juridic de l'imatge acreis l'utilitat de Wikipèdia en assegurant los que desiran de reütilizar nòstre contengut, del meteis biais que de personas nombrosas reütilizan ja nòstre tèxt.

Aquò permet tanben a d'utilizaires d'editar e modificar d'imatges amb una fisança pus granda en sabent que lor trabalh serà pas degalhat se descobrèm mai tard qu'un imatge es protegit per un copyright e non autorizat jos la licéncia GNU FDL (o tota autra licéncia dobèrta).

Actualament, sus la Wikipèdia occitanofòna, los tipes d’estatut acceptats son los seguents :

  • imatge dins lo domeni public ;
  • imatge jos GFDL ;
  • imatge jos copyright, amb autorizacion del tenent del copyright ;
  • imatge jos copyright, dont es plausible que cèrts usages se pòscan acceptar segon la doctrina del fair use.

Exemples de notícias utilizablas[Modificar lo còdi]

Vejatz tanben : Wikipèdia:Lista dels bendèls de licéncia.

  • domeni public ; Font : NASA, [ligam http] ;
  • Licéncia GFDL. Autor : Utilizaire:Aoineko ;
  • Licéncia GFDL - en responsa a demanda de permission, Esclarmonda Bonafe a respondut que « Òc, podètz utilizar lo contengut d’aqueste document que ne soi l'autora » ;
  • font : enciclopèdia 1911. Domeni public : lo copyright a expirat ;
  • domeni public : renonciacion de copyright per l'autor Joan Francés Bòsc : s'acòrda la permission de copiar, distribuir o modificar, a condicion de respectar los tèrmes de la licéncia GFDL version 1.2 o posteriora ; sens las seccions invariablas e sens lo tèxt de las paginas de coberturas abans e arrièr.
  • Font : lo sit web ... Estatut de copyright inconegut - ai pas cap de rason de creire qu'aqueste imatge es protegit, mas o ai pas verificat (se conselha de verificar) ;
  • imatge jos copyright - l'autor ... autoriza sistematicament l'utilizacion a condicion que... (son nom siá citat, utilizacion non comerciala...). (Recopiar/traduire exactament o donar un ligam vèrs l'autorizacion) ;
  • imatge jos copyright amb permission - l'autor ... a balhat la permission a Wikipèdia d'emplegar aqueste imatge, mas los tèrces lo pòdon pas emplegar sens permission (Recopiar l'autorizacion balhada per l'autor) ;
  • imatge jos copyright - se pòt solament emplegar segon de règlas dichas de "fair use" (vejatz pus bas lo paragraf especific al fair use). Font : [ligam vèrs un sit] .

Los imatges d'aquestas doas darrièras categorias se pòdon generalament pas distribuir jos GFDL e doncas lor inclusion dins Wikipèdia es controversiada, quitament se i pòt aver de situacions ont lo «fair use» es permés segon la GFDL.
Se recomanda fòrtament d'utilizar a la plaça un autre imatge se podètz pas obténer la permission explicita de lo redistribuir amb una licéncia compatibla amb la GFDL.
Se cargatz aicí d'imatges de "fair use", gardatz a l'esperit que pòdon a un cèrt moment totas èsser levadas se lo projècte adòpta una opinion juridica clara sus la matèria.

Lo cas particular del Fair use[Modificar lo còdi]

Lo fair use es d'ara enlà interdich sus Wikipèdia (decision del 19 d'octobre de 2006). Aquesta section a valor d'istoric.

Autres usatges de la pagina de descripcion d'un imatge[Modificar lo còdi]

Autras versions de l'imatge[Modificar lo còdi]

Se d'autras versions del meteis imatge existisson, una version de melhora resolucion en particular, o al contrari una version reducha, fasètz un ligam vèrs eles.

Per exemple:

  • [[Media:Carte de France (petite).jpg|una mai granda version]] ;
  • [[Media:Carte de France (sans texte).jpg|version sens tèxt]]'' .

Las versions sens tèxt son utilas per nòstres amics utilizant d'autras lengas.

Inclusion d'autres imatges[Modificar lo còdi]

Podètz inclure d'imatges dins las paginas de descripcion d'imatges.

De còps es fach per :

  • la fabricacion d'un fotomontatge ;
  • inclure una version pus granda sus la pagina de descripcion d'imatge ;
  • inclure un imatge sus sa pròpria pagina de descripcion.

La pagina meta:image pages conten una proposicion per far aquesta darrièra etapa automaticament.

Dins los dos autres cases, cèrts Wikipedians preferisson d'autras solucions de recambi, coma la bona utilizacion dels ligams media:.