Wi-Fi

Un article de Wikipèdia, l'enciclopèdia liura.
Anar a : navigacion, Recercar

Wi-Fi, acronim de Wireless Fidelity (Fidelitat sens fils), es una marca per un ensems de nòrmas de compatibilitat per l'intercomunicacion entre malhums locals sens fils (WLAN). Se basa sus las nòrmas publicas 802.11a e 802.11b establidas per IEEE, e pas contrarotladas per cap d'empresa.

Lògo Wi-Fi

802.11a es una nòrma per malhum sens fial (WLAN) que fonciona dins la benda de frequéncia de GHz, a una velocitat de donadas maximala de 54 Mbps.

802.11b es una nòrma per WLAN que fonciona dins la benda de frequéncia de 2,4 GHz, amb una largor de benda de 11 Mbps. Es la frequéncia que compren las microondas, lostelefòns mobils de tresena generacion e los periferics Bluetooth

802.11C es una nòrma per WLAN que fonciona dins la benda de frequéncia de 7,3 GHz, a una velocitat de donadas maximala de 72 Mbit/s.

Actualament la nòrma 802.11b ofrís una largor de benda de 11 Mbit/s e opèra dins la benda de 2,4 GHz. Las comunicacions se fan pel biais d'ondas cortas de ràdio, qu'interferisson pas amb ela, e que sa poténcia es fòrça bassa. Lo rai de cobertura d'un senhal sens fials pòt arribar teoricament fins a 300 mètres, mas la disposicion dels equipaments, parets, etc, fa que lo senhal arriba en general als 100 mètres. La tecnologia Wi-Fi es avançada n'es a la version Wi-Fi 5, que va a de velocitats fins a 54 000 kbit/s.

Avantatges[modificar | modificar la font]

  • Coma son de malhums sens fils, la comoditat qu'ofrisson es plan superiora als malhums cablats perque qui que siá que a un accès al malhum pòt se connectar dempuèi diferents punts dins d'una zona pro larga d'espaci.
  • Un còp configurats, los malhums Wi-Fi permeton l'accès de multiples ordinators sens cap de problèma ni depensas en infrastructura, çò qu'es pas lo cas de la tecnologia per cable.
  • La Wi-Fi Alliance assegura que la compatibilitat entre los dispositius de marca Wi-Fi siá totala, e que dins tota partida del monde se pòt utilizar la tecnologia Wi-Fi amb una compatibilitat totala. Es pas lo cas, per exemple, pels telefòns mobils.


Compausants d'un malhum Wi-Fi[modificar | modificar la font]

Extensor de portada de malhum
permet d'aumentar la portada d'un punt d'accès.
Punt d'accès
connècta un grop de dispositius mobils a un malhum local (LAN) associat. Fonciona coma un concentrador de malhum (hub), perque permet la comunicacion entre diferents dispositius que s'i connèctan.
Pont de malhum (Network bridge)
dos ponts de malhum permeton la comunicacion entre dos malhums cablats separats fisicament.
Adralhador (Router)
normalament intègra un punt d'accès, un commutador de malhum (switch) e un servicial DHCP, qu'assigna una adreça IP e los servicials de noms DNS necessaris per resòlvre de noms sus Internet. La configuracion de l'adralhador se fa per mejan d'un servicial web incorporat.
Adaptador de malhum
permet de connectar un dispositiu a un malhum sens fils. Pòt èsser una partida del quite dispositiu o s'i apond de diferents biais (per la presa PCI d'un ordenador, per un pòrt USB ..). Gaireben totes los ordenadors portables e ultraportables (netbook) son equipats d'un adaptador intèrne.

Nòtas[modificar | modificar la font]