Vescomtat de Lemòtges

Un article de Wikipèdia, l'enciclopèdia liura.
Anar a : navigacion, Recercar

Entre Limòtges, Briva e Periguers los vescomtes de Lemòtges, tanben apelats vescomtes de Segur creèren un pichon principat que son darrier eretier fuguet Enric IV. Lo Vescomtat de Lemòtges, tanben sonat Vescomtat de Segur, Segur en essent la residéncia principala daus vescomtes au còr de lor domeni, passet de la familha de Lemòtges-Segur a la de Bretanha, puei aus Bles-Bretanha, aus de Labrit e fin finala aus Borbons.

Lor territòri compreniá los chasteus de Segur, d'Eissiduelh, d'Aissa, d'Auba Ròcha e de Nontronh. S'estendiá sus los actuaus departaments de Nauta Vinhana, Dordonha e Corresa.

Au sud de l'Abadiá de Dalon, se tròba Autafòrt e au sud de Liberçac se tròba Pompador. Dos feus daus Las Tors, adonc, « princes de la terra lemosina », certas, mas mens poissants que las familhas vescomtalas: Lemòtges, Combòrn, Torena, Ventadorn, Lo Buçon, Rechoard.