Utopia (cinèmas)

Un article de Wikipèdia, l'enciclopèdia liura.
Anar a : navigacion, Recercar
Pagina d'ajuda sus l'omonimia Pels articles omonims, vejatz Utopia (omonimia).
Fichièr:LogoUtopia.jpg
Lògo dels cinèmas Utopia

Utopia es un grop de cinèmas independents fondat per Anne-Marie Faucon e Michel Malacarnet. Es a l'ora d'ara implantat a Avinhon, Bordèu, Montpelhièr, Saint-Ouen-l'Aumône, Tolosa e Tornafuèlha (sèti de la societat).

Utopia edita un periodic mensual, la Gazette d'Utopia, on se trapa las criticas dels filmes difusats e los oraris de las projeccions. Es disponible gratuitament dins los cinèmas Utopia.

Istoric[modificar | modificar la font]

Aprèp que creèron e dirigiguèron lo cinèma Le 16-35 a Ais de Provença de 1971 a 1974, Anne-Marie Faucon e Michel Malacarnet inaugurèron en 1976 la primièra sala Utopia a Avinhon. Aprèp, un quinzenat d'autras vilas comptèron de cinèmas Utopia (Baiona, Paris, Tolon, Valença...)[1]. Malgrat que totes los cinèmas Utopia presenten de grandas similituds (decoracion, programacion, mesa en page de la Gazette), cadun es juridicament independent.

Objectius dels cinèmas Utopia[modificar | modificar la font]

Los cinèmas Utopia se definisson coma un « projècte d'animacion culturala cinematografica de proximitat », vòlon atal contribuir a la diversitat culturala locala e a la creacion de ligam social.

Temptant d'escapar a la sola règla del profièch, Utopia vòl prepausar una programacion diversificada e promòure de pichons productors e distributors independents. Los cinèmas Utopia son dotats d'un budgèt publicitari flac, pasmens la tarifa de las plaças es mendre que dins las grandas societats de distribucion coma UGC o Gaumont.

Los cinèmas Utopia son tanben un luòc d'encontra amb los realizators, e de debats sus de subjèctes de societat.

Las salas[modificar | modificar la font]

Utopia Avinhon[modificar | modificar la font]

I a dos cinèmas Utopia a Avinhon, un a la Manutencion (4 carrièra dels escalièrs de Santa Ana) (quatre salas), l'autre a la Republica (5 carrièra Figuièra) (una sala).

Utopia Bordèu[modificar | modificar la font]

Utopia Bordèu se trapa 5 Plaça Camille Jullian, dins l'anciana glèisa de Sant Simeon. I a cinc salas de projeccion e un pichon cafè-restaurant. Es fòrça actiu dins la vida sociala bordalesa e participa per exemple a l'organizacion del Forum social local de Gironda[2].

Utopia Montpelhièr[modificar | modificar la font]

Utopia s'intallèt dins l'ancian Cinèma Diagonal Campus en mai de 2007. Situat 5 avenguda del doctor Pezet (universitat Paul Valéry), i a doas salas.

Utopia Saint-Ouen-l'Aumône e Pontoise[modificar | modificar la font]

  • A Saint-Ouen-l'Aumône (1 place Mendès France) i a cinc salas. Los espectators del cinèma an creada una associacion: (ASCUt)[3].
  • A Pontoise (14 rue Alexandre Prachay) i a una sala.

Utopia Tolosa[modificar | modificar la font]

Utopia Toulouse es situat 24 carrièra Montardin (dins l'ancian cinèma le Rio, (M° Capitòli i a tres salas.

Utopia Tornafuèlha[modificar | modificar la font]

Utopia Tornafuèlha (Androna del Castèl) i a quatre salas e un restaurant.

Vejatz tanben[modificar | modificar la font]

Bibliografia[modificar | modificar la font]

  • (fr)Olivier Alexandre, Utopia - A la recherche d'un cinéma alternatif, Coll. Logiques sociales, L'Harmattan, Paris, 2007.

Nòtas e referéncias[modificar | modificar la font]

  1. (fr)Olivier Alexandre, Utopia - A la recherche d'un cinéma alternatif, Coll. Logiques sociales, L'Harmattan, Paris, 2007, p. 15
  2. Site du forum social local de Gironde
  3. Site de l'association ASCUt

Ligams extèrnes[modificar | modificar la font]