Universitat Miguel Hernández d'Elx

Un article de Wikipèdia, l'enciclopèdia liura.
Anar a : navigacion, Recercar
Bastissa 3-Facultat de Farmacia del Campus de Sant Joan-UMH
Institut de Neurosciéncias UMH-CSIC al Campus de Sant Joan d'Alacant
Bastissa Altabix al Campus d'Elx

L'Universitat Miguel Hernández d'Elx es una universitat publica valenciana, tanben coneguda coma UMH, amb campus per tota la província d'Alacant e foguèt establida en l'an 1997. Son nom commemòra lo poèta Miguel Hernández d'Oriola. Forma part de la Ret d'Universitats Institut Joan Lluís Vives, cossí la rèsta de las Universitats dels Païses Catalans, e la ret Universia, cossí la rèsta de las Universitats d'Espanha e d'America Latina.

Sa sedença centrala se tròba dins la vila d'Elx e s'estructura en quatre campus: Altea, Elx, Oriola e Sant Joan d'Alacant, ont s'impartisson distintes de titolacions. De mai, incorpòra divèrses instituts universitaris de recèrca.

Se tròba a l'ora d'ara en procès d'ampliament e remodelament de las estructuras en cada campus, mai que mai a Elx e a Sant Joan d'Alacant.

L'universitat es cabecièra dins congrèsses estudiantils en Sciéncias de la santat en avent lo Congrès nacional d'estudiants de Medecina (amb tres edicions internacionalas amb sa XXV edicion), lo Congrès d'estudiants de Farmacia (2a edicion nacionala amb sa 3a edicion) e de jornadas nacionalas de Fisioteràpia (3a edicion) e las de Podologia (6a edicion) en existint tanben congrèsses d'autras disciplinas coma lo Congrès nacional d'estudiants de Psicologia (amb sa 4a edicion) o lo Congrès nacional d'estudiants e licenciats en Sciéncias Ambientalas (amb sa 6a edicion).

L'universitat es dividida en departaments e facultats e d'escòlas, en essent ambedoas divisions independentas una de l'autra, aital un departament pòt èsser restacat a mai d'una facultat. A costat d'aquela division existisson los instituts de recèrca que son autonòms als departaments e facultats e dependon del vicerectorat de recèrca e desvolopament tecnologic.

Istòria[modificar | modificar la font]

Lo govèrn valencian, presidit per N'Eduardo Zaplana, creèt l'Universitat Miguel Hernández d'Elx mercé a una lei aprovada lo 27 de decembre de 1996 (Lei de Creacion de l'Universitat Miguel Hernández d'Elx). Aquela lei segreguèc de divèrses centres e d'ensenhaments de l'Universitat d'Alacant: la Facultat de Medecina, l'Institut de Neurosciéncias (ambedós a Sant Joan) e la Diplomatura en Estatistica (a Elx) e de la Universitat Politecnica de Valéncia a Oriola: Engenhariá Agronomica e tres especialitats d'Engenhariá Tecnica Agricòla, que serián restacats a la nòva Universitat.

Tot aquò aboquèt a un conflicte politic entre l'Universitat d'Alacant mai PSPV e la nòva universitat mai lo govèrn del PP per la segregacion de la Facultat de Medecina e l'Institut de Neurosciéncias a causa del prestigi que la carrièra de Medecina e la recèrca biomedicala porgissiá a l'UA. Aquel conflicte s'acabèt lo 17 de març de 2005 amb la resolucion del Tribunal Constitucional en avalant aquela segregacion[1].

Campus, Facultats e Escòlas, Títols universitaris[modificar | modificar la font]

Campus Facultat/Escòla Títols universitaris
Campus d'Elx Facultat de Sciéncias Experimentalas
  • Licenciat en Sciéncias Ambientalas (dos plans d'estudis diferents e un segond cicle a despart)
  • Licenciat en Bioquimia
  • Diplomat en Estatistica
  • Licenciat en Sciéncias e Tecnicas Estatisticas
Facultat de Sciéncias Socialas e Juridicas d'Elx
  • Licenciat en Sciéncias de l'Activitat Fisica e de l'Espòrt
  • Licenciat en Drech
  • Licenciat en Jornalisme
  • Licenciat en Psicologia
  • Diplomat en Relacions Laboralas
  • Licenciat en Antropologia Sociala e Culturala
  • Licenciat en Sciéncias Actuarialas e Financièras
  • Licenciat en Investigacion e Tecnicas de Mercat
Escòla Politecnica Superiora d'Elx
  • Engenhaire de Telecomunicacion (e segond cicle d'aqueste)
  • Engenhaire Industrial (e segond cicle d'aquel)
  • Engenhaire Tecnic de Telecomunicacion (Sistèmas de Telecomunicacions)
  • Engenhaire Tecnic de Telecomunicacion (Sistèmas Electronics)
  • Engenhaire Tecnic Industrial (Mecanica)
  • Engenhaire de Materials
Campus d'Altea Facultat de las Bèlas Arts
  • Licenciat en Bèlas Arts
  • Títol Pròpri en Dança Contemporanèa
Campus de Sciéncias de la santat de Sant Joan d'Alacant Facultat de Farmacia
Facultat de Medecina
Campus d'Oriola Escòla Politecnica Superiora d'Oriola (Sedença Desemparats)
  • Engenhaire Agronòm (e 2nd cicle d'aquel)
  • Engenhaire Tecnic Agricòla (Espleitacions Agropecuàries)
  • Engenhaire Tecnic Agricòla (Hortofructicultura e Jardineria)
  • Engenhaire Tecnic Agricòla, (Indústrias Agràrias e Alimentàrias)
  • Engenhaire Tecnic en Informatica de Gestion
  • Licenciada en Sciéncia e Tecnologia de las Neurituds
  • Licenciadas en Enologia
Facultat de Sciéncias Socialas e Juridicas d'Oriola (Sedença Oriola)
  • Licenciat en Administracion e Direccion d'Entrepresas (e 2nd cicle d'aqueste)
  • Licenciat en Sciéncias Politicas e de l'Administracion (e 2nd cicle d'aqueste)

Referéncias[modificar | modificar la font]

  1. Parraquet del periodic Información: El Constitucional avala la segregacion de Medicina

Ligams extèrnes[modificar | modificar la font]