Tuta de Massavielha

Un article de Wikipèdia, l'enciclopèdia liura.
Anar a : navigacion, Recercar
Vista dera Basilica dera Immaculada Concepcion de Lorda dominant era Tuta de Massavielha
Estatua dera verge Maria ena Tuta de Massavielha
Er'entrada dera Tuta de Massavielha

Era Tuta de Massavielha, en Lorda, en departament deths Hauts Pirenèus, en Bigòrra, qu'ei er'endret on era verge Maria e aparescó 18 còps a Bernadeta Sobirós en 1858, ce digó era senta.

Que s'orbeish devant deth Gave de Pau. N'ei pas brica pregona. Que correspond a un clòt d'ua detzena de mètres de pregondor ena paret der'arròca lissa e umida. Era resurgéncia karstica que passa per un cròs en'arròca de cap ath gave. Er'estatua dera verge vestida de blanc que's tròba en haut en ua cavitat segondària der'arròca a dreta dera tuta.

Era hont d'aiga qui cola ath ras dera tuta qu'ei ua deras sèt o ueit resurgéncias karsticas (dèlta sosterran) deras aigas qui arriban deth sinclinau dera Vath Surguèra-Prat d'Aurèlh e qui neurissen eth Gave de Pau. Qu'ei considerada com miraclosa. Era Dauna que'u domandè: « Anatz béuer ena hont e v'i lauar », ce declarè Bernadeta. Desempuish, eths pelegrins que beuen er'aiga deras canèlas a dreta dera tuta e que's banhan enas piscinas situadas mes enlà a dreta dera hont. Sus era tuta qu'estó bastida era Basilica dera Immaculada Concepcion de Lorda.