Topiltzin

Representacion de Topiltzin dins un dels murals del pintor mexican Diego Rivera

Cē Ācatl Topiltzin (que significa: Nòstre Princi (Tō-pīltzin), una (Cē) cana (Ācatl)) es una figura mitica que apareis dins los racontes de tradicion istorica del sègle XVI dels pòbles astèca e nahua. I es descrich coma un senhor del sègle X dels toltècas segon la tradicion astèca que concernís los ocupants anteriors de la Val de Mexic e de l'airal vesin qualques sègles abans que los astècas i arribèssen.

Per las generacions seguentas, Topiltzin venguèt una mena de personatge de legenda que se confondèt sovent amb una de las divinitats mai importantas de l'America centrala, Quetzalcoatl. Las recercas mai precisas actualament estiman que son règne se debanèt de 923 a 947, a mai se la correlacion entre las datas de l'istòria toltèca e lo calendièr gregorian es pas gaire segura, coma o es pas tanpauc lo quite concèpte de "civilizacion toltèca".