Tienedor
Lo tienedor (var. tibador, tendedor) qu'ei un petit mecanisme provesit d'ua vitz hornida au cordièr d'un instrument de la familha deu vriulon e qui permet d'acordar las còrdas mei precisament que non pas las cavilhas (qui tienen las còrdas per l'aute cap).
Sus un vriulon sancer (un 4/4) pas sonque la còrda la mei aguda (lo mi) b'ei provesit de tienedor (a còps lo la tanben) mes que's pòt quitament hicar sus las 4 còrdas (e, de hèit, be i a modèls de cordièrs incluent 4 tienedors). Qu'ei de tot biais mei corrent de trobar 4 tienedors sus lo vriulons mei petits (vriulons de mainatges 3/4, 1/2, 1/8, 1/16) on lo mendre mavment de las cavilhas e hè baishar o pujar de tròp entà perméter ua acòr precís.
Los violoncèls tanben qu'ostendeishen sovent 4 tienedors.
De segur, lo tienedor qu'ei ua invencion recenta, absenta deus instruments barròcs.
