Storgatan

Un article de Wikipèdia, l'enciclopèdia liura.
Porcion orientala de Storgatan

Storgatan (del suedés gat ("carrièra") e stor ("grand") valent a dire en occitan: "Granda carrièra") es una de las carrièras mai ancianas, importantas e longas de la vila suedesa d'Umeå. La via, que mesura aperaquí 4 km de long, passa per las parts mai centralas e importantas de la part de l'aglomeracion situada al nòrd del flum Ume que travèrsa la localitat. La carrièra va dempuèi los limits ancians de la part anciana de la vila a Tvärån, dins l'oèst, fins a la Gara de l'Èst d'Umeå, còsta l'Espital universitari de Norrland, a l'èst.

Aqueste ais de comunicacion es tant ancian coma la quita vila, que foguèt fondada en 1622, e durant lo sègle seguent, en 1780, foguèt pasimentat per i facilitar la circulacion. Storgatan conten la màger part dels monuments e bastiments istorics de la localitat coma l'Ostal de vila o l'Anciana preson de la ciutat e cinc de sos parcs mai grands. En 2006 se calculava qu'una mejana de 8.900 veiculs i passava cada jorn.[1]

Istòria[modificar | Modificar lo còdi]

Storgatan dins lo centre d'Umeå

L'istòria de Storgatan comença al meteis moment que se creèt la vila, en 1622.

Bastiments o monuments istorics de Storgatan[modificar | Modificar lo còdi]

  • L'Ostal de vila d'Umeå (en suedés: Umeå rådhus)
  • Lo Vièlh espital (en suedés: Gamla lasarettet), l'immòble mai ancian d'Umeå, situat al numèro 28 de la carrièra. Construch en 1785, es lo bastiment espitalièr mai ancian del país.
  • L'Anciana preson d'Umeå, venguda actualament un otèl.
  • La Gamla bankhuset, un bastiment de 1877, situat al numèro 34 de la carrièra, sonat popularament "Smörasken" ("Sièta jauna") per encausa de sa color e de sos costats arredondits.
  • La Villa Scharinska, un edifici d'estil victorian construch entre 1904 e 1905, situat als numèros 63-65 de Storgatan.
  • Bagare Thillmans gård
  • Gamla slöjdskolan
  • Löjtnant Grahns gård
  • La Cort d'Apèl del Naut Norrland
  • Färgare Höglanders gård, edifici bastit en 1882, situat al numèro 41.
  • Lo Depaus von Ahnska
  • Sparbankshuset
  • Handelsbanken
  • Riksbankshuset,
  • Moritzska gården
  • La Villa Ringstrandska (en suedés: Ringstrandska villan), construcha en 1899 e situada al numèro 67.
  • Länsresidenset

Referéncias[modificar | Modificar lo còdi]

<references>

Bibliografia[modificar | Modificar lo còdi]

  1. "Nulägesbeskrivning för trafiken i centrala Umeå - Slutrapport april 2006", p. 62