Solutrean

Un article de Wikipèdia, l'enciclopèdia liura.

Lo Solutrean es una cultura preïstorica qu'existiguèt en Euròpa tre 22 000 a 18 000 avC, que començèt amb un periòde fred e sec del Paleolitic Superior, quand lo rangièr èra l'espècia principala, succedit per d'oscillacions climaticas umidas e temperadas, intercaladas per d'epòcas fredas e secas.

Aquela cultura coexistiguèt al sud-èst francés amb las culturas Ròsenian e Salpetrian, caracterizadas per micròlits. La desaparicion del Solutrean foguèt subta e per causas desconegudas. Lo solutrean fa un utillatge innovador. Las puntes foliacèas (d'estructura laminara) solutreans son las aisinas mai elaboradas de tot lo Paleolitic Superior. L'art mobilièr es pas important e es representat generalament per de rèstes d'òs e de pèças de dents decoradas e per de nombroses *pendentif [fr] (penjolhs?). Per contra, l'art rupèstre es magnific e fòrça original, qu'i ressortisson los basrelèus d'animals.

L'origina del Solutrean es controversat e polemic, mas i a doas ipotèsis fondamentalas: l'origina africana o l'origina autoctòna (Euròpa sud-occidentala). En supòrt de la primièra s'adusís las *similitudes entre las puntas solutreans d'aletas e peduncul de la còsta espanhòla e las pèças que fan partida de la cultura Aterian de Marròc (fòrça anteriora). Ça que la, lo lapse grand de temps entre aquelas culturas e, sustot, lo fach que las pèças solutreans mai ancianas presenten unicament de *retouche [fr] unifaciala, mentre que l'Aterian utilizava ja lo bifacial pus evolucionar, fa que semble fòrça pus probabla l'ipotèsi de l'origina autoctòna. Se son prepausat d'autras originas, coma lo Gravetian de Grand Bretanha e Belgica o lo Szeletian d'Ongria. Lo Solutrean "classic" s'estendèt per França, Anglatèrra, nòrd d'Espanha e Portugal. I a un Solutrean que podem apelar "extracantabric" situat al quadrante sud-èst de la Peninsula Iberica.