Sodomia

Un article de Wikipèdia, l'enciclopèdia liura.
Anar a : navigacion, Recercar

La sodomia qu'ei ua practica sexuau qui consisteish en ua penetracion de l'anus deu o de la partenària, generaument dab lo penís o dab l'ajuda d'un gadamassí (objècte qui representa un fallus).


Etimologia[modificar | modificar la font]

Lo tèrmi sodomia que vien deu nom de la vila de Sodòma qui, segon la Bíblia, estó destrusida per Diu après qui los sons abitants avón temptat de violar dus anjos de Diu refugiats en çò de Lòt, lo nebot d'Abraham.

Per aquò, dens aqueth episòdi, la sodomia tau com se defeneish a l'òra d'ara, n'ei pas mentavuda[1] D'après lo contèxte totun e las autas referéncias au pecat de Sodòma dens la Bíblia, lo passatge aqueth que s'a meilèu a interpretar com un mancament au dever d'ospitalitat, qui èra hèra important dens l'Orient Pròche ancian[2]. L'interpretacion en tèrmis de sodomia o d'omosexualitat que sembla que comencè d'aparéisher dens los escriuts apocaliptics judius tardius e los judius ellenizats deu començament deu IIau sègle.


Practica[modificar | modificar la font]

Contràriament a la vulva e a la vagina, l'anus e lo rèctum ne secrètan pas nada lubrificacion naturau qui posca har mei aisit lo rapòrt sexuau.

La shaliva qu'ei sufisenta com lubrificant e lo risc de lesions de la mucosas anaus, qui son fragilas, qu'ei mendre, mes que vau mei utilizar un lubrificant artificiau o un preservatiu lubrificant. Totun, ad aqueste tanben que cau passar lubrificant se los movements e s'esperlongan. Quauque còp, que s'i utilizava en generau vaselina, mes que fragiliza los preservatius e qu'ei de mau lavar. Per'mor d'aquò au dia de uei que s'i utiliza meilèu lubrificants intimes hèits dab aiga o dab silicòna.


Nòtas[modificar | modificar la font]

  1. Lo tèxte que ditz: "... los abitants de la vila, los sodomitas, tant joens com vielhs, tant i a tota la poblacion qu'èra arrecotida entà l'ostau. Qu'aperèn Lòt e que'u digón: "On son los òmis qui son vienuts a casa toa anueit? Amia'us-nse, que'us volem conéisher (auta traduccion: violar). Alavetz, Lòt que sortí dinc a l'entrada, que barrè la pòrta darrèr eth, e que'us digó: "En v'ac pregar, hrairs, ne'us hascatz pas nat mau! Tietz, qu'èi duas hilhas a casa mea, qui n'an pas enqüèra conegut nat òmi. Que las ve vau amiar tà dehòra e que haratz dab eras çò qui v'agrade; mes non haciatz arren ad aqueths òmis, puishque se son vienuts acessar devath lo men teit." Tròç deu raconte de la hèita de Sodòma dens lo libe de la Genèsi, 19, 4-9
  2. Cf. Ez. 16,49 ; Jr. 23,14 ; Sir. 16,8 ; Lc 10,10-12