Sigmundur Davíð Gunnlaugsson

Un article de Wikipèdia, l'enciclopèdia liura.

Sigmundur Davíð Gunnlaugsson (Reykjavík, 12 de març de 1975) es un politician e jornalista islandés, membre del Partit Progressista islandés, formacion liberala e de centre-drecha. Es lo Primièr Ministre d'Islàndia dempuèi lo 23 de mai de 2013.

Biografia[modificar | Modificar lo còdi]

Sigmundur Davíð Gunnlaugsson nasquèt en 1975 dins una familha de notables amonedats de la capitala islandesa, Reykjavík. Son paire Gunnlaugur Magnús Sigmundsson èra un ancian deputat del Fram a l'Althing e tanben un ex-responsable de la companhiá aeriana Icelandair. Dins son enfància passèt una part considerabla de sa vida als Estats Units, mai que mai a Washington DC, ont son paire èra un emplegat de la Banca mondiala entre 1982 e 1985.

Estudièt al licèu mai ancian de l'isla, Menntaskólinn í Reykjavík, abans de dintrar en 1995 a l'Universitat d'Islàndia pr'amor d'i estudiar las sciéncias economicas e politicas. Faguèt puèi una part de sos estudis dins d'universitats estrangièras, subretot en Russia (a Moscòu) e a Copenaga abans d'obtenir son doctorat de sciéncias politicas a l'Universitat d'Oxford.

En 2000, comencèt a trabalhar coma jornalista à temps partiel à Ríkisútvarpið (RÚV), lo servici public islandés de radiodifusion e de television.