Servici d'entresenha

Un article de Wikipèdia, l'enciclopèdia liura.
Anar a : navigacion, Recercar

Los servicis d'entresenha son d'organizacions governamentalas qu'amassan d'informacion confidenciala per de mejans divèrses, coma l'intercepcion de las comunicacions, l'evaluacion d'informacions publicas, l'espionatge individual...

Fornisson a lors govèrns d'analisis sus afars de seguretat estatala, d'alèrtas sus crisis imminentas, d'esclarziments sus las intencions e sus las accions d'enemics potencials o reals, d'informacions suls projèctes de defensa e sus las operacions de las armadas enemigas, de mejans d'emparament dels secrèts de l'estat contra los servicis estrangèrs, d'accions secrètas per influenciar suls eveniments exteriors en favor de l'interès de lors estats, d'accions de contraentresenha o d'antiterrorisme, en mai de la recèrca de terroristas infiltrats dins los govèrns e dins las institucions internacionalas.

De còps que i a, fabrican de pròvas o difusan d'informacions falsas.

Tecnicas d'entresenha[modificar | modificar la font]

  • L'infiltracion consistís en l'utilizacion d'una persona, apelada talpa, que sa mission basica es d'aténher la fisança d'aqueles qu'an d'informacion per tal de i poder accedir.
  • La subornacion es la compra d'informacion.
  • Lo chantatge es l'obtencion de l'informacion a travèrs la coaccion, generalament a travèrs d'informacions de caractèr personal sus la victima, que desira pas las far publicas.

Se pòt tanben obténer d'informacion objectiva coma fotografias, convèrsas... sens intervencion umana. Atal, i a una indústria destinada a facilitar d'aisinas tecnologicas sofisticadas, dempuèi los satellits espias fins a microcamèras.