Serguèi Aksiònov

Un article de Wikipèdia, l'enciclopèdia liura.

Serguèi Valérievich Aksiònov (en rus: Сергей Валерьевич Аксёнов; Bălți, Moldàvia, 26 de novembre de 1972) es un politician rus de Crimèa. Es l'actual primièr ministre de Crimèa dempuèi lo 27 de febrièr de 2014 aprèp que prenguèsse lo poder dins de circonstàncias pro trebolas. Anteriorament, e dempuèi las eleccions de 2010, èra deputat del Conselh Suprèm de Crimèa amb son partit, Unitat Russa (en rus: Русское единство), que reculhiguèt alara aperaquí 4 % dels sufragis. Es actualament a far l'objècte d'un mandat d'arrèst del govèrn ucraïnian per sas accions de rebellion qu'an per tòca de portar a l'annexion de la peninsula a Russia.

Biografia[modificar | Modificar lo còdi]

300пкс


Serguèi Aksiònov nasquèt en 1972 a Bălți, una de las vilas mai importantas de la Moldàvia sovietica, dins una familha russofòna nacionalista sovietica. Son paire, Valèri Aksiònov, foguèt lo menaire d'un grop sonat la Comunitat Russa de Moldàvia del Nòrd en Transnístria.

En 1989, a l'edat de 17 ans, s'installèt en Crimèa e s'engatgèt dins una escòla militara d'engenhaires mas abans qu'acabèsse los estudis per venir oficièr de l'Armada Roja, l'Union Sovietica se desparriquèt. Refusèt alara de jurar leialtat al novèl estat d'Ucraïna que voliá pas reconéisser, çò que portèt a la fin de sa carrièra militara.