Sciéncias de l'informacion e de las bibliotècas

Un article de Wikipèdia, l'enciclopèdia liura.
Anar a : navigacion, Recercar

S'apèla sciéncias de l'informacion e de las bibliotècas (SIB) l'ensemble dels sabers e saber-far utils a las personas encargadas de gerir una bibliotèca o un servici d'informacion-documentacion.

Definicion[modificar | modificar la font]

L'expression sciéncias de l'informacion e de las bibliotècas ven de l'expression anglesa library and information science (LIS). En França, l'apellacion academica es puslèu « sciéncias de l'informacion e de la comunicacion », correspondent a la de la 71ena seccion del Conselh Nacional de las Universitats (CNU, cf. [1]). Se tracta d'un camp de recèrca e d'estudi puslèu caracterizat per son objècte (l'informacion, sa natura, sas proprietats, son transferiment) que per sos metòdes, coma lo son per exemple lo drech o la filosofia. D'apròchis fòrça diferents d'aqueste objècte son en efièch possibles e practics. Al costat de preocupacions teoricas, las sciéncias de l'informacion e de la comunicacion (SIC) s'interèssan tanben a las institucions e a las practicas de transmission de l'informacion. Las « sciéncias de l'informacion » se sasisson d'aquela problematica : las bibliotècas, e en particular las qu'acompanhan las activitats d'estudi e de recèrca, son una de las institucions associadas a aqueste transferiment. Dins un sens fòrça general, se pòt doncas considerar que las sciéncias de l'informacion englòban de domenis coma :

Çaquelà, existisson de divergéncias sus la natura e suls limits d'aqueste camp scientific. Per exemple, lo Centre Nacional de la Recèrca Scientifica (CNRS) e lo Conservatòri Nacional de las Arts e dels Mestièrs (CNAM) incluson l'informatica dins las sciéncias de l'informacion. Òm se pòt tanben demandar se l'engenhariá lingüistica (traduccion assistida per ordenador, « vocalizacion » de l'arabi...) a sa plaça dins las sciéncias de l'informacion. Aquestas dificultats de definicion e de delimitacion son caracteristicas d'un domeni del saber en cors de constitucion. En consequéncia d'aquò, una part importanta de la produccion scientifica es centrada sus aquestas questions. Sembla almens d'existir una fòrta distincion entre los especialistas de l'informacion e los de la comunicacion. Benlèu qu'aqueste camp scientific es destinat a se devesir en diferents domenis.

Las sciéncias de l’informacion e de la comunicacion (SIC)[modificar | modificar la font]

Dins las annadas 1970 apareis en França l’expression « sciéncias de l’informacion ». Es en 1968, als Estats Units, qu'es desvolopada quand l’American Documentation Institute ven l’American Society for Information Science. Cossí definir las sciéncias de l’informacion ? An per objècte l’estudi de las proprietats generalas de l’informacion (natura, genèsi, efièches) ; se rengan dins lo sector de las sciéncias socialas, principal mejan d’accès a una compreneson del social e del cultural e que veson collaborar entre elas de disciplinas coma la psicologia, la lingüistica, la sociologia, l’informatica, las matematicas, lo drech, l’economia, la filosofia, la politica... Las sciéncias de l’informacion respondon a una exigéncia de saber e de comunicacion nascuda de la vida sociala. Una informacion pòt presentar de formas divèrsas (tèxt, imatge, son), sus de mèdias variats (imprimits, filmes, disques, cederòms, fichièrs electronics,...). Intègra al còp de procediments escriches, de procediments orals e visuals. L’informacion se transmet entre individús, al sen de las societats o de las entrepresas. Las sciéncias de l’informacion recobrisson totes aquestes cases de figuras. Sciéncias socialas interdisciplinàrias d'ara enlà, las sciéncias de l’informacion an trobat lors letras de noblesa : formacions e diplòmas universitaris incluson aquesta nocion dins lors intitulats.

Ligams extèrnes[modificar | modificar la font]