Satellit artificial

Un article de Wikipèdia, l'enciclopèdia liura.
Anar a : navigacion, Recercar

Un satellit es un objècte fabricat per l'òme e lançat dins l'espaci e que, gràcias a sa velocitat, es capable de se manténer a una orbita establa a l'entorn de la Tèrra o d'un autre còs celestial. Aquesta mena d'objècte se deu distinguir dels satellits naturals coma per exemple la luna, qu'es un satellit natural de la Tèrra.

Lo primièr satellit artificial, Sputnik 1, foguèt lançat per l'Union Sovietica en 1957. Dempuèi, de milièrs de satellits foguèron lançats a l'entorn de la Tèrra. D'unes satellits, coma l'estacion espaciala, foguèron lançats en mai d'una part e assemblats en orbita. Los satellits jògan uèi un ròtle important a l'encòp al nivèl economic (telecomunicacions, posicionament, prevision meterologica), militar (entresenha) e scientific (observacion astronomica, microgravitat, observacion de la Tèrra, oceanografia, altimetria). Son mai que mai venguts d'aisinas indispensablas per la compreneson de l'univèrs fisic, la modelizacion dels cambiaments climatics e lo foncionament de la societat de l'informacion.