Sent Aubin (Tolosa)

Un article de Wikipèdia, l'enciclopèdia liura.
(Redirigit dempuèi Sant Aubin (Tolosa))

Le quartièr de Sent Aubin es un petit quartièr del centre vila de Tolosa. S'estend a l'èst del centre istoric, a l'entorn de la carrièra de la Colombeta e de la massissa glèisa de Sent Aubin, entre le baloard Lazare-Carnot e le Canal de las Duas Mars. Es fòrça prèps del Teatre de la Ciutat e del Mercat de blat, unas de las principalas salas d'espectacles de Tolosa.

Aquel petit quartièr pintoresc consèrva una ama de vilatjòt dins la vila. A una identitat populara e a son ambient cosmopolit e calorós. Cada dimenge le mercat de Sent Aubin, a l'entorn de la glèisa, prepausa de produits gastronomics e de flors.

La carrièra de la Colombeta, bordada de cafès, de librariás, de restaurants exotics e regionals, fosquèc una « comuna liura » : creada a la Liberacion, èra una de las quaranta quatre comunas liuras de França que la tòca èra de salvar le patrimòni arquitectural, las tradicions e le folclòre d'un quartièr. La « comuna liura de la Colombeta » aviá un cònsol màger e un garda (foncions simbolicas) e la fèsta cada tardor dempuèi 1945 quand aqueriguèc l'estatut. La fièra annala es un grand marcat amb fòrça animacions, espectacles, concors de cants e concèrts.