Sèrgi Carles

Sèrgi Carles (Serge Carles en francés) es un escrivan e pedagòg occitan nascut lo 21 de genièr de 1950 a Valhorlhas, dins Roergue.

Retirat de l'Educacion nacionala, Sèrgi Carles demòra fòrça actiu dins lo mitan associatiu, es membre del CREO de Miègjorn-Pirenèus, de l'IEO 31 e de l'Associacion de prefiguracion d'un organ de regulacion de la lenga occitana. Participa als conselhs d'administracion del Caireforc Cultural Naut Bernat. Tanben ocupa la foncion de secretari adjunt al burèu de Convergéncia Occitana. Es un dels membres del conselh lingüistic del Congrès Permanent de la Lenga Occitana.

Publicacions

• Poèmas d'amor e de mòrt, Vent Terral, 1977
• Diga-me, Diga-li, metòde audiovisual d'ensenhament de l'occitan pels dròlles, Vent Terral, 1986.
• Los jòcs de Joan de l'Ors, jòc de cartas sul conte tradicional per activitats de lengatge, C.R.E.O. de Tolosa, 1996.
• Material pedagogic per l'ensenhament en occitan dins las seccions bilingüas, escòla mairala e elementària, edicion en cors.