Lo desvolopament deu cant polifonic, com ac he l'Escòla de Nosta Dauna, qu'obliguè a mentàver las duradas de las nòtas dab mei de precision.
Lo ritme, en musica, qu'ei çò qui defineish la durada d'ua nòta o d'un silenci. La durada d'ua nòta o d'un silenci que's mesura dab lo temps qui depend eth medish deu tempo (mei o mens lèu o lent) de la musica.
Dens l'istòria de la musica occidentau, qu'ei l'invencion deu cant polifonic, a partir deu sègle XII qui obliguè a començar de nota duradas de nòtas desparieras antà har coincidir las diferentas votz ; en ehèit, au contre de la polifonia, lo cant gregorian qui la precedí n'avèva pas òp de cap mencion ritmica e se contentava de mentàver sonque la linha melodica.
Durada de las nòtas desempuish l'arronda (sobiron) dinc a la dobla cròcha (juson)Las durada de las nòtas qu'ei notada dab arrondas, blancas (qui duran la meitat d'ua arronda), negras (qui duran la meitat d'ua blanca), cròchas (qui duran la meitat d'ua negra), doblas cròchas (qui duran la meitat d'ua cròcha), triplas, quadruplas eca.
silencis musicau desempuish la pausa (qui vau tan com l'arronda) dinc au quart de sospir (qui vau tan com la dobla cròcha)
La durada deus silencis qu'ei notada dab la pausa qui dura 4 temps, puish dab la miaja pausa qui dura 2 temps (autan com ua blanca e la meitat d'ua pausa), dab lo sospir qui dura un temps (autan com ua negra, la meitat d'ua demipausa), lo miei sospir qui dura ua mitat de temps (autan com ua cròcha, la meitat d'un sospir), lo quart de sospir qui dura un quart de temps (autan com ua miei cròcha, la meitat d'un miei sospir) eca.
