Rhinocerotidae

Un article de Wikipèdia, l'enciclopèdia liura.
(Redirigit dempuèi Rinocerotid)


Lo rinocèros es un mamifèr erbivòr que son pes pòt avesinar las doas tonas. Aperten a la familha dels Rhinocerotidae, òrdre dels perissodactils.

Pòt mesurar 5 m de long per 1,80 m de nautor. Es lo mamifèr terrèstre actual mai long aprèp l'elefant, que lo mai naut es la girafa.

Al meteis títol que l'elefant, lo rinocèros brama.

Lo mot de rinocèros ven del grèc rhinos, nas, e keras, bana, perque pòrta una o doas banas sul nas, e non pas sul front coma los autres mamifèrs banaruts.

Se descriu quatre genres e cinc espècias :

En Africa

En Asia

Caracteristicas[modificar | Modificar lo còdi]

Generalitat[modificar | Modificar lo còdi]

La principala caracteristica visibla dels rinocèros, son lors banas sul nas. Segon l'espècia n'i a una o doas; ça que la, demest los rinocèros fossils, se tròba tanben d'espècias desprovesidas de banas. La bana de davant creis sus l'òs nasal, la bana de darrièr (quand existís) sul davant del cran. Malgrat lor duretat, las banas se compausan pas d'una substància ossosa, mas de queratina aglutinada, una proteïna fibrilària que se tròba tanben dins los cabels.

Dins cèrtas culturas d'Asia Orientala, s'atribuís a las banas trissadas d'efièches terapeutics e afrodisiacs, es perqué se tua fòrça rinocèros per lors banas.

La bana mai granda que s'es conegut fins ara mesurava 1,58 m.

Los rinocèros possedisson un còs massís e de cambas gròssas e cortas. Cada pè a tres dets e cadun s'acaba per una bata larga. La pèl es espessa e de color grisa o bruna.

Los rinocèros an una capacitat visuala febla, mas aquel inconvenient es compensat per un odorat subtil e una audicion fòrt bona.

Los mascles an pas d'escròt: los testiculs se tròban a l'interior del còs.

Populacions[modificar | Modificar lo còdi]

En Africa :

  • genre Ceratotherium
  • genre Diceros
    • Diceros bicornis o rinocèros negre - Populacion salvatja : 3610 - Populacion captiva : 250[1].

En Asia

Ligams extèrnes[modificar | Modificar lo còdi]

Nòtas e referéncias[modificar | Modificar lo còdi]

  1. 1,0 1,1 1,2 1,3 et 1,4 Estimacion febrièr de 2005, International Rhino Foundation

Vejatz tanben[modificar | Modificar lo còdi]

Suls autres projèctes Wikimèdia :