Ret d'Universitats Institut Joan Lluís Vives

Un article de Wikipèdia, l'enciclopèdia liura.
Anar a : navigacion, Recercar

La Ret d'Universitats Institut Joan Lluís Vives (en catalan Xarxa d'Universitats Institut Joan Lluís Vives, IJLV) es una associacion sens tòca lucrativa entre d'institucions academicas qu'an de ligams istorics, culturals e lingüistics enrasigats a un meteis domeni geografic e lingüistic, lo de parlar catalan. Lo sieu objectiu es lo de coordenar l'ensenhament, la recèrca e las activitats culturalas de las divèrsas institucions academicas que ne fan partida e potenciar l'usatge de la lenga catalana comuna.

Lo 28 d'octobre de 1994, los rectors de 13 universitats de l'arc mediterranèu s'amassèron a Morella (Els Ports) per signar l'acta de constitucion d'una associacion d'universitats amb entitat juridica pròpria e sens ànim de lucre: la Ret d'Universitats Institut Joan Lluís Vives, en onor de l'umanista valencian Joan Lluís Vives.

A l'ora d'ara, l'Institut Joan Lluís Vives es format de 22 universitats. Aquesta associacion representa un collectiu superior a 430 000 personas, que 400 000 ne son estudiants, 26 000 professors e 10 000 membres del personal d'administracion e servicis.

A las universitats qu'amassa la Ret s'impartisson mai de 1400 titolacions que condusisson a l'obtencion de 300 diplomaturas, 360 licenciaturas e 740 programas de doctorat. S'i ofrisson, aital meteis, 60 quites estudis e 930 mastèrs e de corses de post-gra. Totes los camps del saber i an preséncia: Bèlas Arts, Umanitats, Sciéncias Socialas, Sciéncias de l'Educacion, Sciéncias Experimentalas e Mieiambientalas, Sciéncias de la santat, Arquitectura, Engenhariá e Educacion Fisica.

Universitats qu'intègran la Ret IJLV[modificar | modificar la font]

Ligams extèrnes[modificar | modificar la font]