Receptor nuclear
|
||||||||||||
|---|---|---|---|---|---|---|---|---|---|---|---|---|
Lei receptors nuclears son de proteïnas solublas localizadas dins lo citoplasma o dins lo nuclèu cellular.
Leis ormonas que passan a travèrs de la membrana plasmica, normalament per difusion passiva, atenhon lei receptors e inician l'escarcanhada de senhaus. Lei receptors nuclears son de factors de transcripcion activats per de ligants, que transpòrtan un ligant o ormona, que passan a travèrs de la membrana nucleara a l'interior dau nuclèu cellular e activan la transcripcion de cèrts gèns e doncas la produccion de proteïnas. Lei ligants tipics dei receptors nuclears son leis ormonas lipofilas coma leis ormonas esteroïdas, per exemple la testosterona, la progesterona e lo cortisòl, derivats de la vitamina A e la vitamina D. Aquesteis ormonas exercisson una foncion fòrça importanta dins la regulacion dau metabolisme, dins lei foncions de fòrça organs, dins lo procès de desvolopament e creissement deis organismes e dins la diferenciacion cellulara.
