Ramon de Miraval

Un article de Wikipèdia, l'enciclopèdia liura.
Anar a : navigacion, Recercar
Ramon de Miraval

Ramon[1] de Miraval foguèt un trobador de la fin del sègle XII e de la debuta del sègle XIII que segon sa vida, èra un paure cavalièr de Carcassés que possedissiá mens d'un quart del castèl de Miraval."[2][3] Protegit per Ramon VI de Tolosa, foguèt pus tard tanben asssociat a Pèire II d'Aragon e Anfós VIII de Castelha. Son pseudonim literari èra Audiartz.[2]

Se desseparèt de sa molhèr Gaudairenca qu'ela tanben compausava coblas e danças; s'enamorèt successivament de Na Loba de Penautièr, castelana de Cabaret; puèi de Brunessen, molhèr del baron Pèire Rogièr de Clarmont Ferrand, e d'Azalaís de Boisseson, molhèr de Bernat de Lombers, que ne cantèt la beutat talament ben, que lo rei En Pèire II d'Aragon la venguèt cortejar. Après la desfacha de Murèth, Raimon de Miraval se refugièt a la cors d'Aragon.

De sos trabalhs , demora uèi 45 cançons, que 22 servan sas melodias. Fòrça de sos trabalhs son dins l'estil trobar lèu. Raimon adreicèt maites trabalhs a qualqu'un que se disiá "Pastoret", mas l'identificacion d'aquesta persona es problematica, pasmens se pensa generament qu'èra Ramon Rogièr Trencavel.[2][4] Raimon èra admirat pels sieus contemporanèus e per la màger part dels poètas de las generacions successivas e èra famós per son biais de tractar lo subjècte de l'amor cortés. Raimon s'aluenhèt de la canso tradicionala celebrant lo jois d'amor o l'amor de lonh, mas soslinhèt al contrari la cortesia , l'onor, e la reputacion.[5] La pus nauta vertut es la fidelitat, mas aquesta depend de la cortesia (pretz e valor).[5]

Nòtas[modificar | modificar la font]

  1. Las formas Ramond e Raimon son tanben posssiblas en occitan
  2. 2,0 2,1 2,2 Graham-Leigh, 28.
  3. Raimon Miravals se fo uns paubre cavalliers de Carcases, que non avia mas la quarta part del castel de Miraval, et en quel castel non estaven XL homes
  4. Topsfield, ''Les Poésies du troubadour Raimon de Miraval, 26.
  5. 5,0 5,1 Topsfield, "Raimon de Miraval and the Art of Courtly Love", 35–36.

Ligam extèrne[modificar | modificar la font]

Sas òbras: