Raimon Berenguièr III de Barcelona
Un article de Wikipèdia, l'enciclopèdia liura.
Raimon Berenguièr III lo Grand (Rodés 1082 - Barcelona 1131 ), Comte de Barcelona e Girona (1097-1131); Comte d'Osona (1097-1107 e 1111-1131); Comte de Provença (1113-1131) e Comte de Cerdanha (1118-1131).
[modificar] Antecedents
Nasquèt l'11 de novembre de 1082 a Rodés, filh del comte de Barcelona Raimon Berenguièr II Cap d'Estopes, e sa molhèr Mafalda de Pulla-Calàbria, que li succedirà al tron comtal de Barcelona.
L'assassinat de son paire pauc de temps après sa naissença causèt una granda emocion, aprofechada a l'exterior pel vescomte de Besièrs, Bernat Ato, per prene la Ciutat de Carcassona e Rasés, mentre qu'a l'interior se produsián divisions e afrontaments que s'acabèron en 1086, quand lo seu oncle Berenguer Raimon II lo Fratricida, considerat instigador de l'assassinat, acceptèt la tutèla del nebot e lo compromés de l'associar al govèrn. Amb la marcha del seu oncle cap a la Tèrra Santa, vèrs 1097, el comencèt a poder regnar tot sol.
