Ròsh Hashanà

Un article de Wikipèdia, l'enciclopèdia liura.
Anar a : navigacion, Recercar

Ròsh Hashanà (en ebrieu: ראש השנה, 'començament de l'an') es l'An Novèu espirituau josieu. Se celèbra lo premier e lo segond jorn de Tishrei (mes dau calendari ebrieu). Sus lo començament de l'an ebrieu i a dos critèris: segon la Torà, lo mes de Nisan (vèrs març-abriu) serà lo premier dei mes de l'an (Shemot/Èxode 12.2). Pus tard la tradicion josieva establiguèt lo començament de l'an dins lo mes ebrieu de Tishrei (per setembre-octòbre), qu'es considerat lo mes que Dieu creèt lo mond e es a partir d'aquesta celebracion que se còmptan leis ans. Dins aqueu jorn, segon la tradicion, foguèt creat lo premier òme, Adam. La celebracion comença au crepuscul dei vèspras. Lo son dau shofar, una bana, majorament de moton, atrai lei josieus a la meditacion, l'autoexamen e la contricion, e sòna pendent la pregària dau matin. Es lo premier dei jorns de repentiment e d'introspeccion, de balanç dei fachs e deis accions realizadas, de pregària e de sensibilitat especialas (Aseret Yemei Teshuva) que s'acaban en Yom Kippur 'jorn dau perdon'; es tanben conegut coma lo 'jorn dau jutjament' e coma lo 'jorn dau remembre' pr'amor que, segon la tradicion, Dieu jutja leis òmes aqueu jorn.

An josieu Comença (au ser) S'acaba (après lo ser)
5772 28-09 - 2011 30-09 - 2012