Prunièr

Un article de Wikipèdia, l'enciclopèdia liura.
Anar a : navigacion, Recercar


Lo prunièr, Prunus domestica es un arbre cultivat subretot per son fruch, la pruna.

Descripcion botanica[modificar | modificar la font]

Flor de Prunus domestica Reina Victoria

Aparten a la familha Rosaceae e al genere Prunus.

L'espècia Prunus domestica a son origina dins lo Caucàs, Anatolia e Pèrsia e es considerada coma l'espècia europèa. Tanben i a d'espècias cultivadas americanas e asiaticas.

Es una espècia d'arbre de fuèlhas caducas que pòt aténher 10 metres de naut mas abitialament fa 5 o 6 metres. Lo tronc es de rusca bruna e blavenca brilhanta lis o fendilhada. Las fuèlhas son oblongas denteladas, finament pelosas. Las flors son blancas e solitàrias amb fòrça estaminas. Lo fruch es una drupa de color jauna, roja o violacèa e cobèrt d'una cera blancosa. La grana demòra dins lo clòsc o endocarp.

Prunièr mirabèla

Cultura[modificar | modificar la font]

Es lo mai rustic dels fruchièrs e se pòt cultivar a de latituds nortencas o en altitud, subretot las espècias japonesas. Supòrta melhor que los autres arbres fruchièrs los sols pesucs o tròp umides. Per lo cultivar se deu fa los trabalhs abituals atotes los fruchièrs: laurar, apondre engrais, asagar, deserbar, sarclatge, esclarzir los fruchs e culhir.

Varietats[modificar | modificar la font]

  • Golden Japan: prunièr japonés, granda vigor e fòrça fertilitat, fruchs jaunes fòrça primarencs que se culhisson en junh.
  • Santa Rosa: Fruchs grosses e de pèl roja que se culhisson en julhet
  • Reina Claudia verda: Fruch de color verd, adaptats far de sèrvas se culhisson de julhet a agost
  • Reina Claudia d'Oullins: Fruch pauc sucrat,de color verd clar e daurat. Se culhisson el julhet

Altres usatges[modificar | modificar la font]

En l'agricultura a costat de la produccion de fruchs tanben s'utilisa divèrsas espècias o varietats de prunièrs per empeutar sus eles d'autres fruitièrs coma l'ametlièr, l'albricotièr, perseguièr o d'autres prunièrs. Sobretot perque aqueles prunièrs convenon als terrens tròp pesucs o umids que poirán poirir las racinas del arbres d'origina.

Fusta de Prunièr

La fusta del prunièr es untilisada en ebenistariá