Província d'Itàlia

Un article de Wikipèdia, l'enciclopèdia liura.
Anar a : navigacion, Recercar
Estat de las províncias italianas en genièr de 2015
Província "ordinària"
Província en transicion cap a una Ciutat Metropolitana
Ciutat Metropolitana
Region sens província
Província amb poder de region autonòma
Consòrci Liure de Comunas (anciana província en Sicília)
Consòrci Liure de Comunas que poiriá venir Ciutat Metropolitana
Província regionala per èsser abolida
Província regionala per èsser abolida que poiriá venir Ciutat Metropolitana

La província es lo segond nivèl de division administrativa d’Itàlia, entre la region e la comuna. Es l'eiretatge de la division del meteis nom instituada dins lo Reialme de Sardenha (decreto Rattazzi del 23 d’octobre de 1859, que s’isnpirèt del modèl departamental francés) e generalizada a tot lo país après l’unificacion.

Abans 2011, Itàlia èra subdevesida en 110 províncias, que 3 d'elas an un estatut especial (Val d'Aosta - las foncions administrativas de la província son assumidas per la region autonòma - Trent e Bolzan an de fach las competéncias de regions autonòmas) e las autras foncionavan coma de collectivitats territorialas de l'amassada (conselh provincial) e del president elegits.

Lo 4 de decembre de 2011, lo govèrn Monti, per decrèt, avièt la supression de las provincias italianas coma collectivitats localas (arrèst dels mandats en cors dels conselhièrs provincials, reduccion a 10 del nombre de conselhièrs, transfèrt cap a las regions o a las comunas dels personals e de las competéncias). Lo procès foguèt anullat per la cort constitucionala.

Aquel procès se perseguiguèt entre 2012 e 2015 per:

  • la creacion de las ciutats metropolitanas que se substituísson a las províncias sul territòri provincial (efectiva a Turin e autras 7 lo 1èr de genièr de 2015, en espèra per Venècia e Reggio de Calàbria)
  • la supression de las províncias de la region autonòma de Sicília e lor substitucion per de Consòrci liures de comunas (votada en 2013 pel conselh regional, en regim transitòri al començament de 2015)
  • la supression de las províncias de la region autonòma de Sardenha (referendum regional aprobat en 2012, regim provisòri actualament).

Lista de las províncias[modificar | modificar la font]