Porim

Un article de Wikipèdia, l'enciclopèdia liura.
Anar a : navigacion, Recercar
Aurelhas d'Aman a las prunas.

Porim (פורים Pûrîm en ebrieu, valent a dire 'sòrts') es una fèsta josieva celebrada cada an lo 14 del mes ebrieu d'Adar (o 15 d'Adar dins las ciutats fortificadas) remembrant lo miracle relatat dins lo Libre d'Estèr que faguèt que los josieus se salvèsson d'èsser exterminats jol mandat del rei pèrsa Assuèr, identificat per mai d'un istorian coma Xèrxes I, vèrs 450 abC.

Encara que Porim es considerat un dels jorns pus alègres del calendièr ebrieu, los josieus devon junar e pregar pendent la vigília, en memòria dels josieus persans que junèron e preguèron perque Dieu los salvèsse del conflicte imminent qu'auriá comportat lor extermini per Aman e sos partisans dins l'armada de l'Empèri Pèrsa.

En Porim se legís la Meguilat Esther (מגילת אסתר) Rotlèu (libre) d'Estèr. Après lo june o la privacion, los josieus fan una taulejada granda ont la costuma es de beure de vin e de recitar de cantics, coma la pregària Shoshanat Ya'akov, fòrça aimada dels cantaires.

I a la costuma obligada d'enviar de presents als amics (משלוח מנות Misloakh Manot) e de far de caritat (מתנות לאביונים Matanot La'evionîm). Lo primièr carnaval de Porim o Adloyada aguèt luòc en 1912 a Tel Aviv.[1]

Referéncias[modificar | modificar la font]

  1. Lo Carnaval de Porim, l'Adloyada a Tel Aviv (fr)