Pieter Brueghel lo Vièlh

Un article de Wikipèdia, l'enciclopèdia liura.
Lo pintor e lo compraire de Brueghel, dessenhat vèrs 1565, considerat coma un autoretrait

Pieter Brueghel lo Vièlh o Bruegel (c.15259 de setembre de 1569) foguèt un pintor e gravaire flamenc conegut pels seus païsatges e scènas campèstras. De còps que i a prenguèt lo nom de Brueghel pagés per se distinguir d'autres membres de la familha, mas es mai que mai apelat Brueghel. A partir de 1559 tirèt la 'h' del seu nom e comencèt de signar sas pinturas Bruegel.

Vida[modificar | Modificar lo còdi]

La casuda d'Ícar

Es conegut que nasquèt a Breda, mas se sap pas segurament s'aqueste nom designa la Breda del Brabant Septentrional o la Bree flamenca, actualament en Belgica, e qu'en latin tanben pren lo nom de Breda. Foguèt escolan de Pieter Coecke van Aelst, amb la filha del qual, Mayke, se maridarà mai tard. En 1551 foguèt acceptat coma mèstre pintor a la corporacion d'Anvèrs. Viatgèt en Itàlia pauc après, tornarà a Anvèrs e s'installarà definitivament a Brussèlas dètz ans pus tard. Moriguèt dins aquesta ciutat lo 9 de setembre de 1569.

Foguèt lo paire de Pieter Brueghel lo Jove e Jan Brueghel lo Vièlh. Totes dos venguèron pintors, mas coma encara èran mainatges quand lor paire moriguèt, recebèron pas d'educacion de pintor d'el.

Estil[modificar | Modificar lo còdi]

Brueghel pintèt dins un estil pus simple que lo de l'art italianizant que dominava a son epòca. L'influéncia mai evidenta dins son òbra es la del vièlh mèstre neerlandés Hieronymus Bosch, mai que mai dins las pinturas demonologicas primièras de Brueghel coma Lo trionf de la mòrt e Dulle Griet.

Òbra[modificar | Modificar lo còdi]

La torre de Babel (1563), òli sus fusta
Las nòças campèstras (1568)
Païsatge d'ivèrn amb una trapa pels aucèls (1565)

De Brueghel demòran 45 òbras autentificadas, qu'un tèrç se trapa al Kunsthistorisches Museum de Viena. Se sap que d'autras se son perdudas. Tanben existís un grand nombre de dessenhs, gravaduras e aigafòrts.

Una de las seunas òbras mai coneguda es la Torre de Babel.

Ligams extèrnes[modificar | Modificar lo còdi]

Wikimedia Commons prepausa de documents multimèdia liures sus Pieter Brueghel lo Vièlh.