Periòde Predinastic egipcian

Lo periòde predinastic qu'ei ua division de l'istòria de l'Egipte antica qui precedeish l'Empèri ancian (que comença a l'entorn de -3000). Qu'ei un temps mau documentat de quan l'escritura ieroglifica n'èra pas autant acabada com ac hore a partir de l'Empèri Ancian ; los ieroglifs d'aqueth temps que son mei que mei figuratius, au contre deu sistèma seguent qui establí ua associacion de signes fonetics dab determinatius figuratius ; atau, quan trovam un nom d'aqueth temps, com per exemple un haucon (simbèu d'un faraon e deu diu Òrus) e un escorpion, que podem designar lo rei com estan Òrus Escorpion, mes en bèth pausà'ns la question de saber s'ac cau prononciar dab las pauralas mei tardièras en egipcian ieroglific o se lo document e'nse balha pas sonque ua significat (aquiu la titulatura totemica). Lo periòde predinastic que mescla los 2000 ans qui precedeishen l'Empèri Ancian (un periòde preïstoric) dab las dus cents annadas de periòde protodinastic (qui n'avem de testimoniatges istorics grafics, quitament se son de mau interpretar). Lo periòde predinastic qu'ei un temps qui precedeish l'unificacion egipciana. Que i avèva un reiaume de Baisha Egipte e tres de Hauta Egipte. L'unificacion de la Baisha e Hauta Egipte, hèita peu rei Narmer (tanben conegut com Nemes) que marca la fin d'aqueth periòde. Lo rei d'aqueh (com Òrus Escorpion) temps que son generaument amassats dens la dinastia 0.