Pere Bosch i Gimpera

Un article de Wikipèdia, l'enciclopèdia liura.
Anar a : navigacion, Recercar

Pere Bosch i Gimpera, vadut en Barcelona en 1891 (1) e mort en Mexic en 1974, siguec un arqueològ e preistoriador e ua des personalitats scientifiques catalanes més conegudes internacionauments. Maridat damb Josefina García Díaz, siguec pair tamben der preistoriador mexican Carles Bosch i Garcia.

Biografia[modificar | modificar la font]

Iniciec estudis de drech més es deishà tà estudiar filosofia. S'especialisec en filologia classica e dempús anec a estudiar a Berlin. Aquiu, eth mestre Ulrich von Wilamowitz-Möllendorf eth dirigec tara Preïstoria.

Es sues prumères publicaions sigueren sus era civilizacion de Creta e Micenes (1912) e sus er origen dera tragedia grega (1913). Tamben arrevirec Omèr. Er an 1915 siguec aperat director deth Servici d'Escauacions deth Institut d'Estudis Catalans e professor des Estudis Universitaris Catalans.

En 1916 siguec aperat catedratic d'Istoria Anciana ena Universitat de Barcelona. En 1919 publiguec Preïstoria Catalana. En aguera epoca siguec ja un devesaire der us dera lengua catalana en es libes scientifics.

Des de 1919 e enquia era sua mort auec ua amistat e acorrespondencia privada damb eth sòn escolan e companh Lluís Pericot i Garcia. Un aute deisheble important siguec Josep de Calassanç Serra i Ràfols. Siguec un des creadors dera Associacion Catalana d'Antropologia, Etnografia e Preïstoria e en 1929 organiséc en Barcelona eth Congrés Internacionau d'Arqueologia.

Damb eth libe Etnografia dera Peninsula Iberica (1932) desvolopéc tesis naues que l'i darien més fama. En 1933 ei aperat rector dera Universitat de Barcelona. Trabalhéc per Accion Catalana e s'impliguéc ena politica dera Generalitat republicana. Ocupéc es lòcs de rector dera Universitat Autonoma de Barcelona (1933-1939) e Conselher de Justicia damb eth govern de Lluís Companys (1937-1939). Siguec empresoat en eth vaisheth Uruguay amassa damb d'autes memebres deth govern catalan dempús des héts deth 6 d'octobre de 1934. Açò provoquéc queishes internacionaus.

Dempús dera Guerra Civiu s'exiliéc en Mexic. Aquiu siguec professor dera Universitst Nacionau Autonoma de Mexic e ena Escola Nacionau d'Antropologia. Dempús siguec sometut a ua campanha de desprestigi ena Universitat de Barcelona dominada pes feishistes.

En 1945 publiguéc en Mexic La formacion des pobles d'Espanha. Dec diuersi corsi e conferéncies e de 1948 a 1952 siguec capmestre dera Division de Filosofia e Umanitats dera UNESCO. En 1971 obtinguéc era nacionalitat mexicana.

Hons documentau[modificar | modificar la font]

Són hons personau se conserva en eth Archiu Nacionau de Catalonha (2). Era documentacion produsida per Bosch i Gimpera se déc ara Generalitat a trauers dera associacion mexicana Accion Cultural que l'enviéc ath Ministeri d'Ahers Exteriors espanhòu. En 1983 aguest Ministeri héia arribar aguest hons documentau ath Departament de Cultura e Mejans de Comunicacion dera Generalitat de Catalonha que, ath sòn torn, ac déc tot ar Archiu Nacionau de Catalonha.

Et hons se completéc damb ua serie de letres crotzades demest Pere Bosch i Gimpera e er istoriador Rafael Olivar Bestrand. Un viatge publicades per Proa s'aperaren Correspondencia e sigueren tamben dades ar Archiu Nacionau de Catalonha (2).

Aguest hons a era documentacion generada e arreçebuda per Bosh i Gimpera, principauments documentacion produsida segontes era sua activitat professionau ligada damb era recerca scientifica d'Arqueologia, Preïstoria e Etnografia, ligada a d'autes universitats e centres de recerca.

Tamben ei importanta era documentacion produsida segontes era sua activitat politica coma Conselhèr de Justicia deth Govern dera Generalitat de Catalonha (Tribunaus Especiaus, Servici d'Informacion Militar, Organizacion Judiciau de Catalonha, Servicis Correccionaus de Catalonha), era documentacion damb eth govern dera Republica espanhola, sus es relacions internacionaus pendent eth periode dera guerra civiu e, fin finau, era documentacion sus er exili.

Fichièr:Pere Bosch i Gimpera IEC.jpg

Obres[modificar | modificar la font]

º El problema de la cerámica ibérica (1913)

º Grecia y la civilización crético-micénica (1914) Casa Editorial ESTVDIO. Barcelona

º Prehistòria catalana (1919)

º La arqueología preromana hispánica (1920)

º Historia de Oriente (1926)

º Las representaciones teatrales en Grecia y Roma (1929)

º Etnologia de la península ibèrica (1934)

º El poblamiento antiguo y la formación de los pueblos de España (1945)

º El problema indoeuropeo (1960)

º Cataluña, Castilla, España (1960)

º Paleontología de la península Ibérica (1974)

Referéncies[modificar | modificar la font]

1.- ↑ Gonzalo Pasamar Alzuria, Ignacio Peiró Martín.. Ediciones AKAL. Diccionario Akal de historiadores españoles contemporáneos, 2002. ISBN 9788446014898. , pàg. 138

2.- ↑ 2,0 2,1 2,2 «Pere Bosch i Gimpera». Arxiu Nacional de Catalunya. [Consulta: Juny de 2013].