Pau Lafont

Un article de Wikipèdia, l'enciclopèdia liura.
Anar a : navigacion, Recercar
Pau Lafont en 1929

Pau Lafont (en francés: Paul Laffont; Lo Mas d'Asilh, 25 d'abril de 1885 - Rimont, 13 de julh de 1944) èra un politician occitan del país de Fois que foguèt deputat de 1914 a 1930 e puèi senador d'Arièja de 1930 a 1944.

Biografia[modificar | modificar la font]

Pau Lafont faguèt d'estudis de drech. Passèt lo doctorat e venguèt avocat al tribunal de Tolosa.

Venguèt membre del partit republican radical e se presentèt a las eleccions legislativas del 10 de mai de 1914. Foguèt elegit deputat de l'arrondiment de Sant Guironç per 8.644 vòtes sus 17.395 votaires, quand aviá pas que 29 ans.

Pau Lafont se prononcièt a favor de la delegacion de poders al marescal Pétain lo 10 de julh de 1940. Pasmens l'evolucion del Govèrn de Vichèi li agradèt pas ges e s'engatgèt dins la Resisténcia.

Moriguèt lo 13 de julh de 1944 a Rimont durant los combats que se faguèron per liberar lo país de Fois.