Paranòia

Un article de Wikipèdia, l'enciclopèdia liura.

La paranòia es un tèrme psiquiatric que descriu un estat de salut mentala caracterizat per la preséncia de deliris autoreferents. Mai especificament, se pòt referir a un tipe de sensacions aclaparadoras, coma la d'èsser perseguit per de fòrças incontrolablas (mania persecutoria), o d'èsser causit per una mission nauta, coma la de sauvar lo mond (deliri de grandesa o grandiositat, que quauqueis cercaires atribuisson a determinats personatges dictatoriaus). La paranòia se manifèsta egalament dins lei deliris per gelosiá, dins lo deliri erotomaniac, dins lo deliri somatic... Es un tresvirament de tipe cronic, de viruléncia ocasionala variabla, que se presenta generalament dins d'individus de personalitat capinauta, egolatra e desconfiada. La significacion dau tèrme a cambiat amb lo temps. Lo diagnostic modèrne mai rigorós de la paranòia es apelat "tresvirament delirant".