País d'Òlmes
Lo País d'Òlmes es un parçan d'Occitània[1] situat en Lengadòc, dins lo departament d'Arièja.
Sa vila principala es L'Avelhanet.
Toponimia[modificar | Modificar lo còdi]
Las fòrmas ancianas son Olmensae en 943, Ulmes, cap a 1034, terra de Ulmes en 1164, [Ruppe] Ulmesii en 1313-1314, [Rupes] Ulmesii, [Rupes] Hulmesii en 1318-25, [Rupe] Ulmesi en 1390, [La Roqua] d'Olmes en 1439, [Rupe] Ulmesii, cap a 1474[2].
Segon Dauzat e Rostaing, Òlmes ven del latin ulmus, « olm, orme »[3]. Segon Negre, citat per Patrici Pojada, Òlmes es lo plural de l'occitan orme, atestat localament[2].
Segon Patrici Pojada, le nom èra benlèu a l'origina un *Olmés passat a Òlmes ambe un reculament d'accent tonic, per evolucion pròpria o per marrida interpretacion de las fòrmas graficas en francés. Cf. Fenolhedés comprés en francés Fenouillèdes, siá al masculin singular, siá al femenin plural[2].
Nòtas[modificar | Modificar lo còdi]
- ↑ Segon la classificacion de Frederic Zégierman.
- ↑ 2,0 2,1 et 2,2 Patrici Poujade, Dictionnaire toponymique de l'Ariège, ed. IEO d'Arièja, 2021, p. 507
- ↑ Albert Dauzat, Charles Rostaing, Dictionnaire étymologique des Noms de Lieux en France, Librairie Guénégaud, reedicion 1984, p. 571, a Laroque d'Olmes