Ovadia Yosèf

Un article de Wikipèdia, l'enciclopèdia liura.
Anar a : navigacion, Recercar
Ovadia Yosèf

Ovadia Yosèf qu'estó un rabin haredí, cap espirituau deu partit politic religiós ultraortodòxe israelian Shas, prestigiós decideire rabinic, distinguit exegèta talmudic e gran rabin d'Israèl, considerat com ua autoritat de la Halakhà.

Biografia[modificar | modificar la font]

Ovadia Yosèf durant la pregària

Que vadó a Bagdad, dens l'Iraq deu temps deu Mandat Britanic de Mesopotamia, lo 23 de seteme de 1920. Qu'emigrè en Palestina (devath mandat britanic a l'epòca) quan avèva 4 ans. Qu'estudiè a la yeshiva Porat Yosèf dens la vila vielha de Jerusalèm. Que vadó rabin a l'edat de 20 ans. Enter 1947 e 1950, que presidí lo gran tribunau rabinic deu Caire. En 1968, qu'estó nomenat gran rabin de Tel Aviv. En 1973, qu'estó elegit gran rabin mizrakhí-sefardita d'Israèl tà 10 ans; qu'ei ad aquesta pòsta que's prononciè en favor de la judaïtat deus falashas (judius d'Etiopia). Que possediva ua memòria fenomenau de totas las honts de la Halakhà a truvèrs deus sègles. Las soas facultats extraordinàrias que balhavan un pes important a las soas decisions rabinicas, on e citava a còps centenas d'obratges de Halakhà entad apujar la soa posicion. Qu'escrivó un sarròt d'òbras, sensiblament tres responsa: Yekhave Daat, Yabiya Omer e Khazon Ovadia. Lo son hilh, lo rabin Yitzhak Yosèf, qu'ei l'autor de la seria de libes Yalkut Yosèf, qui tratan de tots los domenis de la Halakhà segon las directivas e las decisions rabinicas deu son pair. Lo rabin Ovadia Yosèf que's morí a Jerusalèm lo 7 d'octobre de 2013 (3 de Kheshvan de 5774).[1]

Referéncias[modificar | modificar la font]

  1. Saber o deishà's anar (fr)