Noam Chomsky
Un article de Wikipèdia, l'enciclopèdia liura.
Avram Noam Chomsky (en ucraïnian: Аврам Ноам Хомський; en ebrieu: אברם נועם חומסקי; en yiddish: אברם נועם כאמסקי) (prononciat Khòmski) (nascut a Filadèlfia en Pensilvània lo 7 de decembre de 1928) es un lingüista e un pensaire politic.
Professor de Lingüistica a l'Institut Tecnologic de Massachusetts, desvolopèt la Gramatica generativa-transformacionala.
Contribuiguèt a la revolucion de la psicologia cognitiva amb l'òbra Conducta Verbala, revision de l'òbra de B.F. Skinner, que i questionèt l'aprochament conductista a l'estudi sus la ment e sul lengatge, dominant dins las annadas 50.
Sa vision naturalista sus l'estudi del lengatge a tanben influenciat la filosofia del lengatge e la filosofia de la ment. Establiguèt un classament dels lengatges formals en tèrmes de lor poder generatiu, l'apelada "ierarquia de Chomsky".
Al delà de son òbra lingüistica, Chomsky es fòrça conegut per sa defensa de la libertat d'expression, per son activisme politic, e per sa critica de la politica exteriora dels Estats Units e d'autres govèrns. Chomsky se considèra coma un socialista libertari simpatizant de l'anarcosindicalisme.
