Un article de Wikipèdia, l'enciclopèdia liura.
Los nemercians an una trompa longa que pòt se replegar dins un forrèl situat dorsalament al tube digestiu o far salhida instantanèament quand l’animal vòl sasir una preda. Aquestes carnassièrs sovent fòrt colorats an una talha que varia de qualques millimètres a maites mètres. Gaireben totes son marins, vivon enterrats dins la sabla o amagats dins las fendas de las rocas ; qualques formas son pelagicas, se tròba tanben de nemercians dins las aigas doças e la tèrra umida.
