Neguèv

Un article de Wikipèdia, l'enciclopèdia liura.
Anar a : navigacion, Recercar
Negèv
NachalParan1.jpg
Geografia
Superfícia 13000 km²
Latitud 30.694612
Longitud 34.870605
Altitud
Temperaturas de
Precipitacions
Administracion
País Israèl
Autras informacions
Ressorsas
naturalas

Lo Neguèv (de l'ebrieu : נֶגֶב ; en arabi : النقب - an-Naqab) es una region desertica del sud d'Israèl. En ebrieu biblic, Neguèv significa « sud ». Lo Neguèv cobrís la mai granda partida del districte sud d'Israèl.

Geografia[modificar | modificar la font]

Geograficament, d'una superfícia de 13 000 km2, aquel desèrt forma un triangle capvirat. Es limitat a l'oèst pel desèrt de la peninsula del Sinai e a l'èst per la val d'Araba.

Populacion[modificar | modificar la font]

La vila principala es Beer-Sheva (prèp de 200 000 abitants) al nord. Lo limit sud es lo golf d'Eilat e d'Aqaba e la vila balneària israeliana d'Eilat. Las autras vilas son Dimona e Mitzpe Ramon e las ciutats bedoïnas que Rahat e Tel Sheva.

Lo Neguèv constituís 60 % de la superfícia de l'Estat d'Israèl mas abriga pas que 8 % de sa populacion, qu'una forta comunautat de Bedoïns (25 % de la populacion regionala).

La populacion de Bedoïns, que son de ciutadans arabis, es estimada a 160 000 personas. La volontat de las autoritats israelianas seriá de los sedentarizar, e per aquò, son dirigits en granda partida cap als vilatges bastits pel govèrn. Una autra mitat demòra sus las tèrras d'origina, dins de vilatges que son pas reconeguts e onte las condicions d'existéncia son precàrias a causa de l'abséncia d'infrastructuras e de las destruccions de las autoritats israelianas[1],[2].

La situation es conflictuala entre las autoritats israelianas e la populacion bedoïna.

Flora[modificar | modificar la font]

La vegetacion es fòrça rara, pasmens, qualques arbres capitan a subsistir e qualques pichons boissons secats pel solelh. La vida dins lo desèrt se situa totjorn a l'entorn dels oasis o a l'entorn dels poses cavats per l’òme.

Geologia[modificar | modificar la font]

Se trapa fòrça curiositats geologicas e culturalas, coma tres grands circs o machteshim, unics dins la region: ha-Machtesh ha-Gadol (« lo grand cratèr »), ha-Machtesh ha-Katan (« lo pichon cratèr ») e lo cratèr Ramon, lo mai vast. Aqueles son pas de cratèrs d'impacte.

Istòria[modificar | modificar la font]

Sul plan istoric, foguèt tanben lo teatre de las activitats de la civilizacion dels Nabateans qu'alá fondèron la ciutat d'Avdat, l'Oboda antica, sus l'itinerari de lors caravanas anant cap a Petra.

Desvolopament[modificar | modificar la font]

Ara, aquela region se situa al centre de l'agenda israelian del desvolopament del païs amb fòrça programas de reforestacion del desèrt, d'implantacion de nòus migrants e de desvolopament economic afin de desengorgar lo litoral costièr. Per aquela tòca una novèla linha ferroviària foguèt inaugurada en 2005 entre Tel Aviv e Beer-Sheva, la « capitala del desèrt ». Lo Neguèv es tanben conegut sul plan internacional perque abriga las installacions de la centrala nucleara de Dimona, lo còr del programa nuclear militar d'Israèl, e lo centre de lançament de Palmachim.

En 2006, un novèl ministèri dirigit per l'ancian Primièr ministre Shimon Peres foguèt creat sonque per la mission de tornar florir lo desèrt del Neguèv cap a 2015.

Galariá[modificar | modificar la font]

Nòtas e referéncias[modificar | modificar la font]

  1. (fr)Squatters sur leurs propres terres : les tribus bédouines du Néguev, Catherine Weibel
  2. Los bedoïns del Neguèv: una minoritat oblidada, Kathrin Koeller